Në qarqet muzikore kineze, sidomos në fushën e muzikës kombëtare kineze, duke folur për Liu Fenshanin, njerëzit mund të kujtojnë meloditë e interpretuara nga ai me vegla muzikore tradicionale kineze, fyell dhe Shyn.

Dëgjoni 

Të dashur lexues, melodia që po dëgjoni titullohet "Një ditë e gëzuar". Kjo melodi është interpretuar nga Liu Fenshan me fyell. Ritmet e shpejta dhe melodia e rrjedhshme tregojnë plotësisht gëzimet e njerëzve në festivale.

Liu Fenshani lindi në një fshat të Kinës veriore. Kur ishte i vogël, vëllai i tij shpesh i binte fyellit para tij dhe melodia e dëgjuar i zuri vend mirëvëmendje e Liu Fenshanit dhe i ngjalli interesa të mëdha. Më vonë, ai filloi të mësonte me të vëllanë t'i bjerë fyellit. Në fillim, prindërit e tij kishin merak se kjo do t'i harxhonte shumë kohë dhe do të ndikojë në mësimet në shkollë, pra, e ndaluan për shumë herë. Por, Liu Fenshani nuk hiqte dorë. Sa herë kur kishte kohë të lirë, ai do të nxirrte fyellin nga çanta dhe do të ushtrohej. Krojëta e fshatit, bregu i lumit dhe pyjet ishin vende ku ai ushtrohej në interpretim. Pas mësimit të zellshëm, niveli i tij i interpretimit me fyell u ngrit dita-ditës. Në vitin 1970, kur Liu Fenshani ishte vetëm 13 vjeç, ai u bë një solist fyelli i ansamblit artistik të distriktit.

Në vitin 1972, në sajë të interpretimit të dalluar me fyell, Liu Fenshani u regjistrua si ushtarak artistik në Ushtrinë Çlirimitare Popullore. Fill pas kësaj, Liu u transferua në Filarmoninë Nacionale të Ansamblit të Këngëve e Valleve pranë Zonës Ushtarake të Ji Nanit dhe u bë një solist fyelli.

Tani, ju ftojmë të shijoni një melodi të interpretuar nga Liu Fenshani me fyell, atë me titull "Melodia e vallëzimit në rrafshnaltë". Kjo është një melodi me karakteriska të theksuara të muzikës së kombësisë Taxhike. Në këtë melodi interesante, përshkruhet një tablo e bukur dhe madhështore e rrafshnaltës Pamir të Rajonit Autonom të Sinkiang-ujgurit të Kinës perëndimore, duke shprehur dashurinë dhe krenarinë e banorëve të kombësisë Taxhike ndaj vendlindjes së tyre. Ndiqeni!

Dëgjoni

Me përpjekje të pandërprera dhe studime të palodhur, Liu Fenshani ka formuar stilin e vet në interpretimin me fyell. Interpretimi i tij jo vetëm ka përthithur mjeshtrinë e interpretuesve të kaluar, por edhe ka futur nocionin e tij për muzikën.

Të dashur lexues, ju bëmë një prezantim të shkurtër për interpretuesin e njohur kinez, Liu Fenshan dhe për dy meloditë e interpretuara nga ai me fyell. Në programin e ardhshëm, do të vazhdojmë t'ju flasim për këtë muzikant dhe për melodi të tjera. (Çan Yean)