Mbledhja e suvenierëve olimpik u formua me zhvillimin e lulëzimin e Lojërave moderne Olimpike. Shumë suvenirë olimpik me rëndësi të madhe janë ndjekur nga ardhuruesit sportivë në mbarë botën. Në botë, mbledhja e suvenirëve olimpikë përbëhet nga 3 pjesë, të cilat janë mbledhja e pullave olimpike, mbledhja e monedhave kushtuar Lojërave Olimpike dhe mbledhja e suvenirëve olimpikë.

Mbledhja e pullave olimpike përfshin mbledhjen e pullave olimpike dhe mbledhjen e gjërave lidhur me postin. Në vitin 1896, Lojërat e para Olimpike u organizuan në Athinë dhe qeveria greke botoi 12 pulla olimpike. Në vitin 1912, kur u organizuan në Suedi Lojërat e 5-ta Olimpike, ishte përdorur për herë të parë stema olimpike e pullave. Më pas, edhe disa vende jo-organizatore botuan shumë pulla olimpike, stema olimpike dhe disa gjëra postave lidhur me Lojërat Olimpike. Në vitin 1982, Komiteti Ndërkombëtar Olimpik formoi Organizatën Botërore të Koleksionit të Pullave Olimpike dhe disa vende formuan organizatat përkatëse. Në vitin 1986, u formua Shoqata e Koleksionit të Pullave Sportive dhe u organizuan shumë aktivitete dhe ekspozita përkatëse. Kështu, u zhvillua më tej koleksioni i pullave olimpike.

Mbledhja e monedhave përkujtimore olimpike do të thotë mbledhaja e të gjitha monedhave lidhur me Lojërat Olimpike. Këto monedha mund të jenë të arta, të argjenta dhe materiale të tjera metalike. Monedhat më të vjetra kanë dalë gjatë kohës së Lojërave të lashta Olimpike të Athinës. Të gjitha këto monedha të arta dhe të argjenda janë me pikturimin e Zeusit dhe Herës. Për shkak që tani në botë ekzistojnë vetëm pak monedha të tilla, këto monedha të lashta janë me vlerë shumë të lartë. Në vitin 1964, Austria nxorri një monedhë të argjentë përkujtimore olimpike për Lojërat e 9-ta dimërore Olimpike. Dhe më pas, të gjithë vendet organizatore të Lojërave Olimpike filluan të nxjerrin vetë monedhat përkujtimore olimpike. Qysh nga viti 1979, Banka e Popullit Kinez ka nxjerrë për shumë herë monedha të tilla përkujtimore, prandaj mbledhja e monedhave përkujtimore olimpike në Kinë ka filluar dhe është në një nivel të lartë. Në vitin 1993, Komiteti Olimpik Ndërkombëtar formoi Federatën Ndërkombëtare për Koleksionin e Monedhave Olimpike, gjë që nxiti më tej zhvillimin dhe përhapjen e mbledhjes së monedhave olimpike. Disa vende të tjera reaguan shpejt dhe formuan edhe vetë federata të tilla.

Mbledhja e suvenirëve olimpikë do të thotë mbledhje e gjërave që kanë lidhje me Lojërat Olimpike. Krahas pullave dhe monedhave kushtuar Lojërave Olimpike mund të koleksionohen edhe medaljet olimpike, pishtarët olimpikë, stemat olimpike, biletat e garave, maskot, veshjet sportive, etj. Mbledhja e suvenirëve olimpikë filloi që nga Lojërat e para Olimpike dhe tani është zhvilluar mjaft. Në vitin 1993, Komiteti Ndërkombëtar Olimpik krijoi Shoqatën e Koleksionistëve të Suvenirëve Olimpikë dhe disa vende kanë formuar edhe organizata të tilla, gjë që ka nxitur më tej mbledhjen e suvenirëve olimpikë. (Jiang Lei)