dëgjoni

Vitet e fundit, është shtuar shumë numri i studentëve të diplomuar. Prandaj këta studentë ndjejnë vështirësi në punësim. Në verën e këtij viti 3 milionë e 300 mijë studentë do të diplomohen, shifër kjo që është 600 mijë më shumë se ajo e vitit të kaluar. Për t'i punësuar këta studentë të diplomuar, Kina ka marrë masa të ndryshme përkatëse.

Për të plotësuar kërkesat e arsimit të lartë, vitet e fundit shkollat e larta të Kinës kanë shtuar numrin e studentëve, prandaj edhe numri i të diplomuarëve është shtuar nga viti në vit. Por sektorët e ndryshëm nuk kanë shtuar në mënyrë të dukshme vendet e punës për këta studentë. Si rrjedhim problemi i punësimit të studentëve të diplomuar është bërë gjithnjë e më i dukshëm.

Për të kryer si duhet punën e punësimit të studentëve, që nga vjeshta e vitit të kaluar, Ministria Kineze e Arsimit ka bërë përgatitje të dukshme.

Drejtoresha e Drejtorisë së Studentëve të Ministrisë Kineze të Arsimit, zonja Lin tha: Sektorët arsimorë në krahinat e ndryshme të vendit kanë rregulluar më tej tregun e punësimit të studentëve, kanë forcuar lidhjet me ndërmarrjet që do të punësojnë studentët e diplomuar dhe kanë marrë masa më aktive për punësimin e studentëve në krahinat perëndimore të Kinës.

Sipas kërkesave të Ministrisë Kineze të Arsimit. Krahinat dhe shkollat e larta kanë marrë masa të ndryshme në ndihmë të studentëve dhe bëjnë përpjekje që përqindja e punësimit të studentëve të këtij viti të arrijë në 73%, duke iu afruar nivelit të vitit të kaluar.

Për t'u njohur më mirë me këtë punë, ditët e fundit, korrespondenti i radios sonë shkoi posaçërisht në Universitetin e Filologjisë të Pekinit. Ky universitet përbëhet nga një fakultet i gjuhëve të huaja, një fakultet i gjuhës kineze, një fakultet i financave dhe një fakultet i informacionit. Sivjet në këtë universitet do të diplomohen 460 studentë. Kjo shifër është 20% më e lartë se ajo e vitit të kaluar. Universiteti ka ngritur një qendër këshillimore në ndihmë të studentëve për punësim.

Zoti Huan Yifan që punon në këtë qendër, tha: Puna jonë fillon jo vetëm në kohën e diplomimit, por që kur studentët në kohën e studimeve. Në radhë të parë në përcaktimin e lëndëve mësimore kemi bërë hetime të gjera dhe kemi hapur specialitete të reja që i kërkon më shumë shoqëria, si specialitete të financave, të informacionit, etj dhe në kohën e studimeve kemi krijuar shumë raste për studentët për praktikë shoqërore, në mënyrë që studentët tanë të njihen në kohë me kërkesat konkrete të ndërmarrjeve që do të punësojnë studentët e diplomuar.

Si rezultat i përpjekjeve të Universitetit, deri në qershor të këtij viti afro 80% e studentëve të diplomuar të Universitetit të Filologjisë të Pekinit kanë gjetur punë. Ky universitet do të vazhdojë përpjekjet që deri në shtator të këtij viti, ku mbaron puna e punësimit, përqindja e punësimit të studentëve të këtij universiteti do të arrijë në 90%.

Si Universiteti i Filologjisë i Pekinit, edhe shumë shkolla të tjera të larta të Kinës kanë ngritur qendra të tilla në ndihmë të studentëve për punësim. Krahas këtyre, Kina i inkurajon studentët e diplomuar të punojnë në krahinat perëndimore. Provinca Gjiansu e Kinës lindore ka përcaktuar fonde të posaçme si kredi të vogla për studentët e diplomuar në krijimin e pavaur të ndërmarrjeve. ( Zhang )