dëgjoni

Tani, punëtorët e gjithë provincës Zhejiang i kushtojnë vëmendje të madhe jo vetëm sasisë dhe cilësisë së produkteve të prodhuara, por edhe kursimit të energjisë elektrike dhe të lëndëve të para gjatë procesit të prodhimit. Që nga 18 korriku i këtij viti, 20 milionë punonjës të të gjithë provincës kanë zhvilluar garën e punës për kursimin e energjisë gjatë prodhimit, duke nxitur ndryshimin e zakoneve dhe të formave të punës së punëtorëve gjatë prodhimit.

Zhejiangu është një provincë e madhe ekonomike në Kinë, por në këtë provincë mungojnë burimet natyrore. Krahas zhvillimit të shpejtë të ekonomisë së kësaj province, ajo ka hasur sfida të mëdha në aftësinë e ngarkesës me energji elektrike dhe të mjedisit. Ndryshimi i formës së rritjes ekonomike dhe arritja e një fitimi më të madh me konsum më të vogël të energjisë janë bërë koncept i ri vlerës për zhvillimin ekonomik.

Siç mësohet, detyrat kryesore të kësaj gare të punës për kursimin e energjisë gjatë prodhimit janë: së pari zhvillimi gjerësisht i aktivitetit të propagandës dhe të arsimit për kursimin e energjisë dhe drejtimi i punonjësve në përgatitjen e zakoneve të mira gjatë prodhimit dhe jetës për kursimin e energjisë; së dyti zhvillimi i aktivitetit të dhënies së kontributeve për kursimin e energjisë; së treti organizimi aktivisht i përgatitjes së mjeshtërisë së punëtorëve për qëllimin e kursimit të energjisë; së katërti zhvillimi i aktivitetit për marrjen e propozimeve racionale të punëtorëve për kursimin e energjisë gjatë prodhimit; së pesti krijimi i teknikës për kursimin e energjisë.

Nënkryetari i Bashkimeve Profesionale të provincës Zhejiang, Wu Jinshui i tha gazetarit se nëpërmjet këtij aktiviteti, koncepti i punonjësve për kursimin e energjisë është ngritur në mënyrë të dukshme, të gjithë punonjësit dëshirojnë të japin kontributin e tyre për krijimin e një shoqërie të tipit të kursimit të energjisë. (Sihai)