dëgjoni

Gjatë disa vjetëve të fundit, rajoni i Azisë lindore që përfshin Kinën, Japoninë, Korenë e Jugut dhe 10 vende të Aseanit, ka qenë gjithmonë një rajon me rritjen më të shpejtë të ekonomisë botërore. Tani, vëllimi i përgjithshëm i GDP-së së rajonit të Azisë lindore i kaloi të 7 trilionë e 700 miliardë dollarët amerikanë, duke zënë një të pesëtat e vëllimit të përgjithshëm të GDP-së së botës. Gjatë procesit të zhvillimit të ekonomisë së Azisë lindore, bashkëpunimi rajonal është bërë nga dita në ditë një forcë e rëndësishme për nxitjen e zhvillimit të këtij rajoni.

Sipas të dhënave statistikore, në vitin 2004, vëllimi i tregtisë brenda rajonit të Azisë lindore ka zënë mbi 50% të vëllimit të eksportit të përgjithshëm të këtij rajoni dhe investimet e këtij rajoni kanë zënë dy të tretat e vëllimit të përgjithshëm të investimeve të huaja të grupit ekonomik të Azisë lindore.

Kjo shenjë tregon se roli i investimeve, i luajtur në bashkëpunimin e rajonit të Azisë lindore, po bëhet gjithnjë e më e rëndësishme. Tani, rezerva e valutave të rajonit të Azisë lindore arriti në 2 trilionë e 400 miliardë dollarë amerikanë, shifër kjo që është e përafërt me dy të tretat e rezervës së valutave të mbarë botës. Në Forumin e investimeve të Azisë lindore, nënkryetarja e komitetit të përhershëm të Asamblesë Kombëtare Popullore të Kinës, Gu Xioulian tha se bashkëpunimi në fushën e investimeve do të bëhet një motor i ri i rritjes ekonomike të Azisë lindore.

"Bashkëpunimi në fushën e investimeve do të jetë një pikë e re e rritjes së zhvillimit ekonomik të Azisë lindore. Disa vende të Azisë lindore, duke përfshirë edhe Kinën, kanë rezerva shumë të mëdha të valutave dhe kanë rezervuar fonde të mëdha popullore".

Gjatë një periudhe të gjatë, qeveria kineze ka mbajtur gjithmonë një qëndrim pozitiv për nxitjen e bashkëpunimit të investimeve të Azisë lindore dhe ka nënshkruar përkatësisht me shumë vende të Azisë lindore marrëveshjet e sigurisë së investimeve reciproke.

Në vende të ndryshme të Azisë lindore, Japonia është vendi me investimet më të shumta në Kinë. Duke iu përgjigjur pyetjeve të gazetarëve, kryetari i këshillit pranë Shoqatës për nxitjen e tregtisë ndërkombëtare të Japonisë, z. Joshio Nakata tha se numri i ndërmarrjeve japoneze, që kanë investuar në Kinë kaloi në 18 mijë, vëllimi i investimeve të përgjithshme arriti në 48 miliardë dollarë amerikanë. Ai tha, gjithashtu, se dikur, investimet e ndërmarrjeve japoneze ishin përqëndruar kryesisht në zona bregdetare të Kinës lindore, por tani ato po shkojnë drejt krahinave të brendshme të Kinës.

Kohët e fundit, shumë ndërmarrje japoneze e vozhgojnë me shumë vëmendje politikën e Kinës për zhvillimin e krahinave perëndimore dhe për rigjallërimin e Kinës verilindore, dhe janë gati të hyjnë në këto krahina për investime.

Përveç Japonisë, edhe investimet e ndërmarrjeve të Koresë së Jugut janë shtuar në mënyrë të shpejtë në Kinë. Vëllimi i përgjithshëm i këtyre investimeve në vitin 2004 i kaloi të 3 miliardë e 600 milionë dollarët amerikanë, duke zënë 50% e vëllimit të përgjithshëm të investimeve të Koresë së Jugut jashtë vendit. Kina është bërë për 3 vjet me radhë vendi i investimeve më të shumta të përtejdetit të Koresë së Jugut.

Duke importuar investimet e vendeve të ndryshme të Azisë lindore, Kina edhe ka marrë masa të shumëllojshme, në mënyrë që të inkurajohen ndërmarrjet e vendit me kushte të mira që të bëjnë investime jashtë vendit. Rajoni i Azisë lindore që kufizohet me Kinën, është bërë vendi paraprak i investimeve të ndërmarrjeve kineze. Në Frumin e investimeve të Azisë lindore, zv/drejtori i Bankës shtetërore të zhvillimit të Kinës Yao Zhongmin tha se vitet e fundit, institucionet monetare kineze, duke përfshirë Bankën shtetërore të Zhvillimit të Kinës, kanë shtuar përkrahjen monetare për ndërmarrjet kineze në kredi, sigurime dhe në fusha të tjera, në mënyrë që më shumë ndërmarrje kineze të shkojnë në vende të Azisë lindore për investime.

Banka shtetërore e zhvillimit nëpërmjet grumbullimit të fondeve, ndihmës teknike dhe formave të tjera, i përkrah ndërmarrjet e mëdha shtetërore të dalin jashtë vendit për investime, sidomos në rajonin e Azisë lindore për investime në shfrytëzimin e bujqësisë, të pylltarisë dhe të objekteve të tjera. Përveç këtyre, Banka shtetërore e zhvillimit po krijon aktivisht platformën e bashkëpunimit monetar rajonal.

Deri në fund të majit të këtij viti, numri i ndërmarrjeve kineze, të krijuara në rajonin e Azisë lindore, arriti në 1500, vëllimi i përgjithshëm i investimeve i kaloi të 3 miliardë e 600 milionë dollarët amerikanë, shifër kjo që ka zënë një të gjashtat e vëllimit të përgjithshëm të investimeve të ndërmarrjeve kineze jashtë vendit. (Sihai)