dëgjoni

Agjencia Zhongxin njoftoi se me rastin e 60-vjetrorit të fitores së luftës së rezistencës kundër pushtuesve japonezë, kinezët dhe emingrantët kinezë të Uashingtonit të SHBA-së organizuan ditët e fundit një koncert madhështor në sallën e muzikës Shtraus, ku morën pjesë më se 2 mijë dëgjues kinezë dhe amerikanë.

Të shoqëruar nga Filarmonia simfonike Landun të SHBA-së, baritoni i njohur Zhou Zheng dhe sopranoja Wang Yanyan interpretuan përkatësisht këngën madhështore "Këngë për lumin Jance " dhe këngën lirike " Toka e Kinës ". Sopranoja He Junqiu dhe tenori Pen Yu që jetojnë në Uashington interpretuan së bashku këngën "Në lumin Sonhuajiang". Interpretimi i tyre plot emocion sikur i ka sjellë mendjet e të pranishmëve në vitet e pushtimit të tri provincave të Kinës verilindore nga agresorët japonezë.

Melodia e filmit amerikan "Lista e Schindlerit" e interpretuar nga vionilisti rus Susanski i bëri të pranishmit të kujtonin krimet barbare të nazistëve gjermanë gjatë luftës së dytë botërore kundër njerëzimit. Kori i madh me më se 200 koristë interpretoi këngët "Valvitja e flamujve" dhe "Në malin Tajhangshan". Këto këngë madhështore treguan frymën nacionale të mospërkuljes dhe të luftës së guximshme të popullit kinez kundër agresorëve japonezë si dhe vendosmërinë e popullit kinez, të bashkuar si një trup i vetëm, për mbrojtjen e paqes.

Koncerti për piano "Lumi i Verdhë" i interpretuar nga pianisti i njohur Yin Chenzhong dhe filarmonia simfonike Landun e SHBA-së e çoi atmosferën e koncertit në një pikë kulmore. Sivjet është 35 vjetori i kompozimit të koncertit për piano "Lumi i Verdhë" , vepër që simbolizon frymën e luftës heroike dhe këmbëngulese të kombit kinez. Edhe pas 35 vjetësh, interpretimi i pianistit Yin Chenzong ka po atë pathos të dikurshëm dhe i tronditi të 2 mijë spektatorët e pranishëm.

Ky koncert është përgatitur dhe organizuar bashkarisht nga qendra artistike humanitare Qizhen e Uashingtonit dhe muzeu i trazirave të luftës së dytë botërore në rajonin e Azisë dhe Paqesorit. Ky koncert nisi edhe punën përgatitore për ndërtimin e muzeut të trazirave të luftës së dytë botërore në rajonin e Azisë dhe Paqësorit në Uashington. Siç tregoi kryetari i komisionit përgatitor për ndërtimin e këtij muzeu, ndërtimi i këtij muzeu ka për qëllim demonstrimin e krimeve të agresionit japonez në Kinë, në mënyrë që populli amerikan dhe popujt e botës të njihen me të vërtetën e fushës së luftës së dytë botërore në Azi dhe t'u bëhet thirrje vendeve paqedashëse në botë të nxjerrin mësim nga historia dhe të mbrojnë së bashku drejtësinë dhe paqen në botë. (Zhai)