dëgjoni

Agjencia Zhongxin njoftoi se ditët e fundit u hap në Universiteti Pekin Olimpiada e l6-të Ndërkombëtare e Biologjisë. Kjo është hera e parë që organizohet në Kinë Olimpiada Ndërkombëtare e Biologjisë gjatë l6 vjetëve pas fillimit të saj. Në këtë olimpiadë morën pjesë më se 400 përfaqësues të ardhur nga 54 vende e rajone të botës. Ky ishte edicioni me më shumë pjesëmarrës në historinë e kësaj olimpiade.

Kjo Olimpiadë Ndërkombëtare e Biologjisë u organizua kryesisht nga Shoqata tekniko-shkencore e Kinës dhe nga Universiteti i Pekinit. Duke mbajtur fjalën e rastit në ceremoninë e hapjes së kësaj olimpiade, nënkryetari i Shoqatës tekniko-shkencore e Kinës Xv Sanyan tha se organizimi i kësaj olimpiade ka për qëllim nxitjen e kërkimeve të të rinjve në fushën e shkencës biologjike. Ai shprehu dëshirën që konkurruesit të bëjnë në të ardhmen përpjekje për përmirësimin e cilësisë së qenies njerëzore, për nxitjen e zhvillimit të përjetshëm, të harmonishëm dhe të vazhdueshëm të natyrës.

Rektori i Universitetit të Pekinit Xhy Zhihong tha se do ta shndërojë këtë olimpiadë në një festë të adhuruesve të rinj shkencës biologjike,do të bëjë të mundur të shtohen kontaktet ndërkombëtare midis të rinjve të vendeve të ndryshme, t'u krijohet mjedis dhe atmosferë miqësore lidhjeve midis pedagogëve dhe studentëve të vendeve dhe rajoneve të ndryshme.

Përmbajtjet e kësaj olimpiade ndahen në teste teorike dhe praktike. Testet e sivjetme u organizuan nga l2 deri më l4 korrik në Institutin e shkencës natyrore. Në ceremoninë e mbylljes së kësaj Olimpiade u shpallën rezulatet dhe u dekoruan fituesit e kësaj olimpiade. Gjatë zhvillimit të kësaj olimpiade u organiua edhe mbledhja e komitetit të Olimpiadës Ndërkombëtare të Biologjisë.

Olimpiada Ndërkombëtare e Biologjisë është një nga 5 olimpiadat ndërkombëtare që është nisur nga UNESKO-ja e OKB-së në vitin l990. Ajo është një aktivitet me pjesëmarrjen e nxënësve të shkollave të mesme nën 20 vjeçarë të vendeve të ndryshme të mbarë botës, që ka për qëllim popullarizimin e shkencës biologjike dhe synon t'u japë të rinjve të vendeve të ndryshme rastin e shkëmbimeve. Gjatë pjesëmarrjes në këtë olimpiadë, pjesëmarrësit mund të mësojnë shumë gjëra nga kultura e shquar të vendit organizator dhe të thellojnë njohjet e tyre për vendin organizator.

Këto olimpiada organizohen në vende të ndryshme njëherë në vit. Para olimpiadës së sivjetme, Kina ka organizuar edhe Olimpiadat Ndërkombëtare të Matematikës, të Fizikës, të Kimisë dhe të Informacionit. (Zhai)