Në radhë të parë, ju ftojmë të dëgjoni një vepër të njohur të kompozitorit italian Skarlati, të titulluar "Sonatë në D minor" të interpretuar nga pianisti Du Taihang. Megjithëse kjo vepër është e shkurtër, pianistëve u pëlqen shumë, sepse është me ritme të shpejta, me një atomosferë të freskët dhe kërkon interpretim me mjeshtri të lartë.

Dëgjoni

Du Taihang është profesor i fakultetit të pianos pranë Konservatorit Qendror të Kinës dhe është i pari pianist kinez që ka marrë në Gjermani titullin e doktorit në intepretimin me piano. Du Taihangu lindi Pekin, në një familje muzikëdashëse, pra, që kur ishte i vogël, ai filloi t'i binte pianos. Në vitin 1978, Du Taihangu u pranua në shkollën fillore pranë Konservatorit Qendror të Kinës, duke nisur kështu rrugën e tij të gjatë në mësimin e interpretimit me piano. Në vitin 1991, Du shkoi në Zvicër për të vazhduar studimet në Konvervatorin e Zurihut dhe u bë një student i pianisti i njohur Hemero Francesh. Duke filluar nga viti 1993, ai vazhdoi studimet në Gjermani me mjeshtra si Karl-Hainc Kaemerlin dhe fitoi titulllin e magjistrit dhe të doktorit.

Dëgjoni

Melodia që po dëgjoni titullohet "Ëndrra e dashurisë". Kompozitori hungarez List e kompozoi këtë vepër në bazë të një poeme gjermane, sepse në këtë poemë tregohet plotësisht etja e njerëzve për dashurinë, në të shkruhet "Të duash! Ta duash me sa mundësi që ke!" Du Taihangu e interpreton këtë melodi me mjeshtri të lartë, duke i shtuar asaj edhe ndjenjat e tij, në këtë mënyrë melodia dëgjohet shumë e rrjedhshme dhe është plot me gjallëri.

Pasi mbaroi studimet në Evropë, Du ka organizuar me sukses rreth 300 koncerte të pianos. Ai ka bashkëpunuar me shumë orkestra të njohura brenda dhe jashtë shtetit. Në shumë vende të huaja ku ka shkuar, si Gjermani, Austri, Itali etj, ai është mirëpritur ngrohtësisht nga muzikantët dhe spektatorët. Për shembull, në Gjermani, njerëzit e quajnë si "Magjistar të Pianos" dhe e vlerësojnë interpetimin e tij ku "jo vetëm tregohet mjeshtri e lartë, por edhe zihen ngushtë zemrat e dëgjuesve që mbeten mrekullisht magjepsur".

Në fund të prograimit të sotëm, ju ftojmë të shijoni melodinë "Vjersha e shkruar me muzikë" interpretuar nga pianisti kinez Du Taihang. Kjo melodi është kompozuar nga kompozitori i njohur rus Skriabin. Për arsye e autori i kësaj vepre është edhe një mjeshtër i interpretimit me piano, i njohur nga bota, për këtë vepër, të kompozuar nga ai, sigurisht që duhet mjeshtri e lartë dhe aftësi në interpretim. Dhe tani, le të shohin si interpretohet kjo vepër nga pianisti i njohur kinez Du Taihang. Ndiqeni!

Dëgjoni (Çan Yean)