Para 4 vjetëve, kur Pekini fitoi të drejtën e organizimit të lojërave olimpike të 29-ta, Kina iu përvesh menjëherë punëve të ndryshme përgatitore. Demonstrimi i rolit të shkencës e teknikës dhe garantimi i organizimit të suksesshëm të këtyre lojërave kanë qenë dhe janë gjithmonë theksi i punës përgatitore.

Qysh nga paraqitja e kërkesës nga Pekini për organizimin e lojërave olimpike, u përcaktua dhe tema e tyre: "Lojërat olimpike të gjelbra, tekniko-shkencore dhe humanitare". Kjo është hera e parë që në historinë e lojërave olimpike u parashtrua koncepti i "lojërave olimpike tekniko-shkencore". Duke shpjeguar këtë koncept, nënkryetarja e qytetit të Pekinit zj. Lin Venyi tha:

"Lojërat olimpike tekniko-shkencore janë një nga 3 konceptet e lojërave olimpike të vitit 2008 të Pekinit, njëkohësisht janë mbështetje e rëndësishme e lojërave olimpike të gjelbra dhe humanitare. Përmbajtja e lojërave tekniko-shekncore është që duke kombinuar ngushtë përparimet më të reja tekniko-shkencore, aplikohen arritjet e teknologjisë së lartë e të re të vendit dhe të botës në një takim madhështor sportiv.

Pak kohë pas fitimit nga Pekini të të drejtës së organizimit të lojërave olimpike, Ministria e shkencës dhe teknikës e Kinës, Komiteti Përgatitor i lojërave olimpike dhe sektorë të tjerë vunë në zbatim "planin e veprimeve të lojërave olimpike tekniko-shkencore", vendosën të zhvillojnë kërkime shkencore lidhur me ndërtimin e stadiumeve dhe pallateve sportive, me garantimin e sigurisë së tyre, me mjedisin atmosferik të Pekinit dhe lidhur me burimet ujore, transportin, teknikën e informacioneve, shkencën e teknikën e sporteve etj., dhe kanë filluar 10 objekte konkrete, si "planifikimi i transportit intelektual", "shembuj të qarkullimit të autobusave elektrike", "sistemi intelektual i shërbimit të informacioneve në shumë gjuhë" etj.

Për të vënë në zbatim këto objekte, palët përkatëse kineze kanë investuar mbi 3 miliardë juanë dhe disa mijëra punonjës tekniko-shkencorë marrin pjesë në punët kërkimore përkatëse. Tani janë arritur përparime të mëdha në disa objekte.

Z. Liu Bin, studius në Institutin kërkimor të automatizimit pranë Akademisë së Shkencave të Kinës, në krye të një grupi studjuesish merr pjesë në punën kërkimore të sistemit intelektual të shërbimit të informacioneve në shumë gjuhë". Ai i tha gazatarit:

"Ne po studjojmë dhe prodhojmë sistemin intelektual të përkthimit për miqtë e huaj që do të marrin pjesë në lojërat olimpike të vitit 2008 në Kinë, i cili përdoret kryesisht në kompjutrat portativë, në celularë dhe në produkte të tjera elektronike portative. Me anën e këtij sistemi jepen shërbime të përkthimit në porositjen e hoteleve, në sqarimin e linjave të transportit, për viziat në spital etj.

Në vitin 2008, kur do të organizohen lojërat olimpike në Pekin, do të vijnë këtu shumë sportistë, trajnerë dhe turistë të huaj. Po të instalohet sistemi intelektual i përkthimit të prodhuar nga z.Liu Bin në kompjutrat portativë dhe celularë do të jetë njësoj sikur të kesh një përkthyes pranë, dhe fjalët e miqve të huaj përkthehen menjëherë në gjuhën kineze, kurse fjalët e pritësve kinezë përkthehen në shumë gjuhë. Le të shohim se si punon ky sistem i përkthimit.

"I like a tea with milk."

"Dua një gotë çaj me qumësht."

"Two red wine please."

"Dy gota verë të kuqe."

Kështu nëpërmjet sistemit intelektual të përkthimit, anglishtja në gojën e miqve të huaj është përkthyer në gjuhën kineze. Por tani ky sistem i përkthimit punon ngadalë dhe në mënyrë të ngathët. Lidhur me këtë z.Liu Bin i Akademisë së Shkencave të Kinës tha se po përpiqet të përmirësojnë funksionet e këtij sistemi për të ngritur shpejtësinë e tij të reagimit.

Siç mësohet, në kohën kur do të organizohen lojërat olimpike në Pekin, ky sistem i përkthimit do të kryejë detyrën e përkthimit të gjuhës kineze në shumë gjuhë dhe anasjelltas. Ai mund të përkthejë gjuhët angleze, franceze, ruse, arabe, spanjolle që përdoren në OKB si dhe gjuhët japoneze, tajlandeze dhe gjermane etj.

Përveç përdorimit në produktet portative elektronike, ky sistem i përkthimit mund të përdoret edhe në mbi 3000 pika të informacioneve të vendosura në rrugët e Pekinit të vittit 2008, për t'u ofruar njerëzve shërbime në shumë gjuhë të informacioneve, si të meteorologjisë, transportit, blerjes së mallrave, turizmit si dhe të planit të garave dhe ndeshjeve, të transmetimit të drejtëpëdrejtë të tyre.

Janë arritur përparime të mëdha në punën kërkimore dhe prodhuese të "sistemit intelektual të informacioneve në shumë gjuhë", atëhere si po zhvillohen objektet e tjera të mëdha tekniko-shkencore olimpike ? Funksionari i Ministrisë së shkencës dhe teknikës të Kinës z. Du Zhanyuan, një nga përgjegjësit e "planit të veprimeve të lojërave olimpike" tha:

"Janë arritur rezultate të mëdha në studimin e teknikës kyç, në prodhimin dhe përdorimin eksperimental të autobusëve elektrikë, janë paraqitur standardet e ndërtesave të gjelbra olimpike, si stadiumet dhe apartamentet etj. po ashtu edhe standardet e kursimit të energjisë dhe të ujit në këto ndërtesa. Tani këto 10 objekte tekniko-shkencore po zhvillohen normalisht."

Ai tha se nëpërmjet ndërtimit të këtyre objekteve, gjatë lojërave olimpike të vitit 2008, 80% e llampave në rrugët e Pekinit do të furnizohen me energji diellore, do të priten e përcillen sportistët me autobusë elektrikë, në fshatin olimpik do të kontrollohet hyrje-dalja e njerëzve me teknikën e dallimit të fytyrave, për të garantuar sigurinë e sportistëve dhe të trajnerëve. Sportdashësit mund t'i shikojnë garat e ndeshjet me celularë 3G etj. Ky përgjegjës tha gjithashtu se duhen edhe 3 vjet deri në vitin 2008, kur do të organizohen lojërat olimpike, në këtë ndërkohë do të ketë shumë arritje tekniko-shkencore, sektorët përkatës kinezë do të zgjedhin dhe do të aplikojnë shumë prej tyre në lojërat olimpike. (Pina)