Më pak se 2 km larg këtij tregu, ndodhet hoteli ku banojnë përfaqësuesit që marrin pjesë në Mitingun Jozyrtar Ministror të OBT-së. Në këtë miting, që do zhvillohet më 12 dhe 13 korrik, një nga temat kryesore që do të diskutohen është tregtia e produkteve bujqësore. Në fakt, problemi bujqësor ka qenë një nga temat më kryesore dhe me më shumë mosmarrëveshje në bisedimet e Rundit të Dohas të Organizatës Botërore të Tregtisë.

"Nëse do t'i shijat perimet jashtë vendit, ndoshta do të fitoja më shumë." thotë fshatari Jiang Linyuan, duke qeshur. Por për shkak se nuk ka gjetur kanale të tilla, ai mendon se temat e ministrave janë shumë larg atij, përkohësisht.

Por për një tjetër fshatar të provincës Liangning, Zheng Quanren, diskutimet e ministrave janë më të prekshme. Ky fshatar që banon në një fshat pranë qytetit të Dalianit, i bëri para disa vjetësh arat e tij të perimeve në një pjesë të "kuzhinës ndërkombëtare". Lakra e bardhë, të përpunuar në lakër djegëse, vendoset në tryezat e ngrëniejes të Koresë së Jugut, ndërsa qepa, lakra jeshile dhe lakra kërcelltrashë shitet në Japoni. Mbështetur te këto tregti, 51 vjeçari Zheng Quanren mund të fitojë të ardhura prej qindra mijë juanësh, prandaj ai është i ndjeshëm ndaj ndryshimeve në tregun ndërkombëtar dhe i lexon lajmet çdo ditë në internet. "A mundet që vendet e zhvilluar t'u japin fshatarëve të vendeve në zhvillim sa më shumë teknikë e varietete të reja dhe, të krijojnë sa më pak pengesa?" pyet Zhengu.

Në fakt, Kina me 1 miliardë e 300 milionë banorë dhe 900 milionë fshatarë po shkon në mënyrë të gjithanëshme në sistemin e tregtisë botërore. Pas pranimit në OBT-, vendi i Kinës në radhitjen e tregtisë globale është ngritur vazhdimisht me shpejtësi me nga një shkollë në vit. Edhe vëllimi i përgjithshëm i tregtisë së jashtme të Kinës është rritur me shpejtësi të madhe. Por njëkohësisht, Kina ka vuajtur thellësisht nga fërkimet tregtare. Pas krijimit të OBT-së në vitin 1995, 1/7 e çështjeve të antidumpingut të paraqitura nga anëtarët e kësaj organizate kanë të bëjnë me produktet kineze. Kina ka qenë për 9 vjet me radhë vendi i parë që e pësoi më shumë nga hetimet e antidumpingut. Në gjashtëmujorin e parë të këtij viti, mosmarrëveshjet kino-evropiane dhe kino-amerikane e acaruan më tej këtë tendencë.

"Vendet e zhvilluara na diskriminojnë. Bashkimi Evropian ndalon hyrjen e produkteve të vezëve. Produktet e vezëve të Kinës me cilësi të lartë shiten vetëm në vende jashtë BE-së. Në kohën e integrimit të ekonomisë globale dhe të globalizimit të tregut, nuk e kuptoj pse ndodhin gjëra të tilla?" tha Han Wei, drejtor i një ndërmarrjeje bujqësore të qytetit të Dalianit. Hani, që e nisi biznesin e tij me 50 gjela, tani disponon një pulari moderne, më e madhja në Azi si dhe disa baza të ushqimeve të gjelbra. Mbi 2 mijë fshatarë vendorë punojnë në ndërmarrjen e tij dhe jetojnë të qetë. Ai ka plan që të ndihmojë të papunët e qytetit, që të pasurohen nëpërmjet rritjes së pulave dhe shitjes së vezëve.

"Shpresoj se ministrat që marrin pjesë në bisedimet e OBT-së, veçanërisht ministrat e tregtisë të vendeve të zhvilluara, të mos flasin vetëm fjalë të bukura, por të hyjnë në veprime konkrete dhe të ndihmojnë nëpërmjet, tregtisë së barabartë, vendet në zhvillim dhe të varfrit e këtyre vendeve." tha 48 vjeçari Han Wei. (Wang Lei)