Korrespondenti i Agjencisë kineze Hsinhua njoftoi nga Kuala Lampur se ditët e fundit filloi në kryeqytetin e Malajzisë Kuala Lampur turneu i Ekspozitës " I dërguari i paqes nga Kina " si një nga aktivitetet globale kushtuar 600 vjetorit të udhëtimeve oqeanike të Zhen Hesë. Këto aktivitete janë organizuar së bashku nga Ministria e Kulturës e Kinës dhe Ministria e Artit, e Kulturës dhe e Trashëgimisë e Malajzisë.

Kryeministri i Kinës Wen Jiabao i dha kësaj ekspozite mbi shkrimin : "Pionier i lundrimeve oqeanike, i dërguari i miqësisë ". Kryeministri i Malajzisë Badawi organizoi ceremoninë e hapjes dhe mbajti fjalën e rastit.

Në fjalën e rastit Badawi i hodhi një sy rrugës historike të udhëzimeve oqeanike të Zhen Hesë. Ai tha se udhëtimet oqeanike të Zhen Hesë nuk kishin për qëllim pushtimin e ngushticës Malaka ose për ndonjë qëllim hegjemonist, por synonin zhvillimin e kontakteve miqësore dhe tregtinë me leverdi reciproke. Ai shprehu falenderime të sinqerta për përpjekjet e ish-kryeministrit të Malajzisë për nxitjen e vendosjes së marrëdhënieve diplomatike midis Malajzisë dhe Kinës. Tani marrëdhëniet Malajzi-Kinë janë forcuar më tej, bashkëpunimi ekonomiko-tregtar është zhvilluar me hapa të sigurta. Ai tha se marrëdhëniet Malajzi-Kinë janë strategjike, të forta dhe me leverdi reciproke. Forcimi i marrëdhënieve të miqësisë midis dy vendeve është në përputhje me interesat e popujve të dy vendeve.

Ambasadori i Kinës në Malajzi Wang Chungui mbajti një fjalim në cëremoninë e hapjes, ai tha se Zhen Heja ka bërë 7 udhëtime oqeanike, duke e arritur shumë herë në ngushticën Malaka. Ai ishte themeluesi dhe dëshmitari i miqësisë së thellë midis Kinës dhe Malajzisë që hapi një faqe të ndritur në historinë e marrëdhënieve midis Kinës dhe Malajzisë. Ai shprehu bindjen se deri sa të trashëgojmë dhe të çojmë më tej frymën e " fqinjësisë së mirë ", Kina dhe Malajzia do të jenë gjithmonë fqinjë të mirë.

Në ceremoninë e hapjes morën pjesë më se l0 ministra të Malajzisë, si ministri i jashtëm, ministri i artit, i kulturës dhe trashëgimisë etj, zv-drejtori për marrëdhëniet e jashtme të Ministrisë së Kulturës të Kinës, titullarë diplomatikë të akredituar në Malajzi si dhe më se 1000 personalitete të qarqeve të ndryshme të Malajzisë. Ata bënë vizitë edhe në këtë ekspozitë.

Në këtë ekspozitë, me anën e tabllove dhe sendeve arkeologjike, pasqyrohen edhe një herë udhëtimet oqeanike të Zhen Hesë. Nga viti l405 deri në vitin l433, Zhen He në krye të një flote të madhe, duke u mbështetur tek teknologjia e përparuar të atëhershme dhe me guxim e vullnet të madh oqeanicoi 7 udhëzime oqeanike, duke arritur në më se 30 vende e rajone të Azisë dhe Afrikës.(Zhai)