china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2005-07-11 19:24:31

Comment

Në Longhai të provincës Fukian u gjet një numër pllakash të vjetra l00 vjeçare me muzikë jugore

cri

Korrespondenti i Agjencisë Zhongxin të Kinës njoftoi nga qyteti Zhanzhou se kohët e fundit u zbuluan në qytetin Longhai të provincës Fukian një numër pllakash të muzikës jugore të dinastisë Qing, gjë që tronditi qarqet e muzikës jugore të provincës së Fukianit dhe të Tajvanit. Specialistët shprehën mendimin se këto janë pllakat më të vjetra të muzikës jugore të gjetura deri tani brenda dhe jashtë vendit, ato që do të luajnë një rol të madh për studimin e zhvillimit të muzikës jugore. Zoti Guo që e ka shtëpi në qytezën Shëma të qytetit Lonhai është një adhurues dhe koleksionist i pllakave dhe ka koleksionuar për një kohë të gjatë pllaka të vjetra muzikore. Në shtëpinë e tij ai ka ruajtur më se 200 pllaka të vjetra të muzikës jugore të incizuara nga viti l906 deri në vitin l958. Ndër to, 8 pllaka janë incizuara nga viti l906 deri në vitin l9ll. Këto pllaka janë me fragmentet muzikore " Për jetë ", "Sa të ngjashme ", " Dashuria për burrin ", " Mbajtja e drurëve ", " Shkrirja e peshqve me ujin ", "Lidhja e dashurisë nga mijëra kilometra larg " etj. Këto pllaka paraqesin zhvillimin e atëhershëm të muzikës jugore. Edhe interpretuesit e këtyre pllakave ishin artistë shumë të njohur të atyre kohëve. Muzika jugore është një muzikë me histori të lashtë e krijuar para një mijë vjetësh, ajo është e përhapur shumë në jug të provincës Fukian dhe në vendet e Azisë juglindore, në Japoni, në Korenë e Jugut dhe më vonë u përhap edhe në vendet e Evropës dhe në Amerikë, në Tajvan, Honkong dhe Makao. Specialistët përkatës janë të mendimit se në të kaluarën, në Kinë ka pasur boshllëk në studimin e muzikës jugore të përhapura shumë në jug të provincës Fukian. Gjetja e këtyre pllakave të vjetra ka pasuruar theksarin e materialeve kërkimore të muzikës dhe të fragmenteve operistike të Fukianit jugor. Me anën e këtyre pllakave, njerëzit mund të njihen më mirë me rrugën e zhvillimit të muzikës jugore në provicën Fukian dhe në Tajvan dhe me lulëzimin e atëhershëm të muzikës dhe të pjesëve operistike të provincave Fukian dhe Tajvan. Siç mësohet, para disa kohësh u organizua në panairin e parë ndërkombëtar elektronik të video-kasetave në Shangait të Kinës "Ekspozita e pllakave një qind vjeçare të Kinës". Në këtë ekspozitë u ekspozua pllaka e regjistruar me fragmentin e Operës së Pekinit "Shitja e kuajve" e interpretuar nga mjeshtri i madh i Operës së Pekinit Tan Xinpei në vitin l907. Kjo pllakë mund të dëgjohet në gramafonat e tipit të vjetër. Zoti Fen Shuhua nga Shangai dhe biri i tij me pllakat e koleksionuara gjatë më se 20 vjetëve u paraqitën vizitorëve një histori njëqindvjeçare të pllakave të Kinës, duke nxjerrë në dritë "tingujt e

harruar me kalimin viteve". Në këtë ekspozitë janë ekspozuar më se 200 pllaka të këngëve të preferuara të Shangait të vjetër, si pllaka me këngë të këngëtares së njohur. Në këtë ekspozitë me qindra pllaka të vjetra, dhjetra gramafonë të vjetër dhe me më se l0 reklama të pllakave të vjetra pasqyrohet historia njëqind vjeçare e zhvillimit të industrisë së pllakave të Kinës. Pllaka më e vjetër e Kinës është regjistruar nga shoqëria angleze e gramafonit. Fen Shuhua tha se pllakat më të vjetra me fragmente të Operës së Pekinit ishin regjistruar nga të huajt dhe interpretuar nga disa amatorë që imitonin zërin e artistëve të njohur. Këto pllaka ishin si nisma të regjistrimit të tingujve të muzikës kineze. Pastaj, industria e pllakave e Shangait ka marrë një zhvillim të vrullshëm dhe vetëm pas l0 vjet zhvillimi, kjo industri ka arritur nivelin botëror si nga ana teknike ashtu edhe nga ana e përmbajtjeve. Edhe Shangai ishte bërë qendër e muzikës kineze me zhvillimin e industrisë së pllakave. Kompozitorët e njohur kinezë Xian Xinhai dhe Nie Er etj incizuan në një godinë të kuqe të Shangait hymnin kombëtar "Marsh i Ushtrisë së vullnetarëve heroikë". Ndër pllakat e koleksionuara nga zoti Fen Shuhua dhe i biri janë edhe disa"pllaka lajmesh ", "pllaka të librave ", " pllaka të arteve figurative", të cilat janë të panjohura nga njerëzit. Në pllakat e lajmeve janë regjistruar lajmet e recituara në mënyrën e pjesëve teatrale e operistike lokale që ishin shumë të preferuara në vitet '20 dhe '30 të shekullit të kaluar duke u shoqëruar më muzikë. Në restoratet dhe çajtoret e atëhershme, transmetoheshin shpesh me gramafon lajmet e regjistruar në këtë mënyrë, duke shtjelluar në mënyrë të gjallë informatat shoqërore për të tërhequr vëmendjen e klientëve. Në vitin l960, Shoqëria e pllakave të Kinës ka prodhuar edhe "revista muzikore" duke shitur pllakën bashkë me revistën.(zhai)