Sipas Agjencisë Kineze të Lajmeve Sinhua, para 10 vjetëve, objekti i makinave të bashkëpunuar midis provincës Fugjian dhe Tajvanit "Makina Donnan" u realizua në qytetin e Fuxhout dhe si rezultat, është nxitur zhvillimi i industrisë së makinave si në Fuxhou ashtu edhe në Tajvan. Kryedrejtori i Shoqërisë së Makinave Donnan, biznesmeni tajvannez zoti Liu Sintai i tha korrespodentit se bashkëpunimi i objektit të makinave si një shembull i bashkëpunimit midis dy brigjeve, ka vërtetuar historinë e zhvillimit me fitimet e dy palëve.

Zoti Liu Sintai tha se para vitit 1995, Shoqëria Julon që është firma më e madhe e prodhimit të makinave në Tajvan, kishte bashkëpunuar me një firmë japoneze për prodhimin e makinave. Kurse tregu i makinave në Tajvan është i vogël dhe zhvillimi i Shoqërisë së prodhimit të makinave Julon u kufizua në radhë të parë nga tregu i vogël. Që nga fillimi i viteve 90 të shekullit të 21-të, Shoqëria e prodhimit të makinave Julon filoi të dërgonte përfaqesues në kontinent për të kërkuar bashkëpunimin e prodhimit të makinave me ndonjë shoqëri të prodhimit të makinave të kontinentit.

Në nëntor të vitit 1995, Shoqëria e prodhimit të makinave Julon dhe Shoqëria e prodhimit të makinave Fuxhou nënshkruan një marrëveshje për formimin e Shoqërisë së prodhimit të makinave Donnan me fonde të përbashkëta. Kapitalet e regjistruara janë 60 milionë e 300 mijë dollarë. Në atë kohë, kjo shoqëri prodhonte kryesisht mikrobuz me 11 vende dhe ishte atëherë ndërmarrja më e madhe e prodhimit të makinave me fonde të përbashkëta midis dy brigjeve të ngushticës së Tajvanit.

Tani, Shoqëria e prodhimit të makinave Donnan ka mbaruar fazën e dytë të ndërtimit dhe kapaciteti i kësaj shoqërie i prodhimit të makinave arriti në mbi 150 mijë në vit. Në vitin 2004, Shoqëria e prodhimit të makinave Donnan prodhoi dhe shiti mbi 240 mijë makina të llojeve të ndryshme, që u shuan 63 për qind në krahasim me vitin e kaluar. Deri tani fitimet e marrë nga kjo shoqëri e prodhimit të makinave, arriti në 1 miliard e 900 milionë juanë dhe i dorëzoi shtetit tatimet prej 1 miliard e 700 milionë juanësh. Kështu Shoqëria e prodhimit të makinave Donnan është vlerësuar si një nga ndërmarrjet me zhvillimin më të shpejtë dhe me rritjen më të mirë gjatë 50 vjetëve.

Kryedrejtori i Shoqërisë Donnan zoti Liu Sintai është i mendimit se rritmi i tillë i zhvillimit të shoqërisë së tij është favorizuar në radhë të parë nga tregu i madh që zhvillohet shpejt në kontinent.

Bashkëpunimi midis shoqërisë së prodhimit të makinave Fuxhou dhe Shoqërisë së prodhimit të makinave Julon ka tërhequr edhe mbi 30 ndërmarrje që prodhojnë pjesë këmbimi të makinave të Tajvanit, për të hapur fabrikë rreth e rrotull Shoqërisë së prodhimit të makinave Donnan.

Zoti Liu Sintai i tha korrespodentit se nëpërmjet kontakteve dhe konsultimeve, midis dy palëve të bashkëpunimit, Shoqëria e prodhimit të makinave Julon vendosi ta vendosë Qendrën e kërkimit studimor në provincën Fugjian.

Zoti Liu Sintai ëshë i mendimit se bashkëpunimi i suksesshëm midis dy shoqërive të dy brigjeve ka treguar se bashkëpunimi midis ndërmarrjeve të dy brigjeve të ngushticës së Tajvanit po thellohet më tej dhe rezultatet e fundit janë se ndërmarrjet e dy brigjeve janë zhvilluar bashkarisht dhe kanë shtuar bashkarisht forcën konkuruese. (du)