dëgjoni

Më 3 korrik, u hap në Kunming, qytet i Kinës jugore, Forumi i bashkëpunimit të nënrajonit të Mekongut të madh. Tema kryesore e këtij forumi është "forcimi i pjesëmarrjes së qarqeve industriale dhe tregtare për nxitjen e zhvillimit të nënrajonit të Mekongut të madh".

Përfaqësuesit e qarqeve industriale dhe tregtare të vendeve të ndryshme të rrjedhës së lumit Mekong dhe përgjegjësit e sektorëve përkatës do ta konsiderojnë këtë forum si një platformë të shkëmbimit të mendimeve lidhur me krijimin e kushteve të lira të investimeve tregtare, me përmirësimin e infrastrukturës, me kompjutërizimin e formacioneve etj.

Sistemi i bashkëpunimit ekonomik të nënrajonit të Mekongut të madh u krijua në vitin 1992. Vendet anëtare janë Kina, Kamboxhia, Tajlanda, Birmania, Laosi dhe Vietnami.

Zv/drejtori i Bankës Aziatike të Zhvillimit, z. Jin Liqun, që merr pjesë në këtë forum, vlerësoi lart rezultatet e arritura gjatë zhvillimit 10 vjeçar të GMS-it.

Nënrajoni i Mekongut të madh është sot një nga rajonet me rritjen më të shpejtë ekonomike në botë. Gjatë mbi 10 vjetëve të kaluar, qeveritë dhe popujt e vendeve të ndryshme të GMS-it kanë zgjeruar pandërprerë fushën e bashkëpunimit. Forca dinamike, vitaliteti dhe aftësia e krijimit jo vetëm janë bërë karaktere të dukshme të këtij sistemi, por edhe forca dinamike të zhvillimit dhe të rritjes së vazhdueshme.

Vitet e fundit, ekonomia e vendeve të ndryshme të nënrajonit të Mekongut të madh ka patur zhvillim të përshtatshëm, lidhjet dhe kontaktet midis tyre janë gjallëruar nga dita në ditë. Bashkëpunimi midis 6 vendeve të GMS-it ka patur rezultate të mëdha edhe në komunikacion, energji, telekomunikacion, tregti, investime, turizëm, bujqësi, mjedis, dhe në shfrytëzimin e burimeve të forcave njerëzore. Përshëmbull: vetëm vitin e kaluar, vëllimi tregtar i Kinës me 5 vende të tjera të nënrajonit

ishte afro 23 miliardë dollarë amerikanë.

Në fjalimin e mbajtur në këtë forum, kryetari i radhës i Forumit tregtar të nënrajonit të Mekongut të madh, Win Aung vuri në dukje se për të forcuar bashkëpunimin industrial dhe tregtar të nënrajonit dhe për të nxitur më tej zhvillimin e GMS-it, vendet e ndryshme duhet të përpiqen nga 3 anët.

Në radhë të parë, duhet të konsiderohet ngritja e aftësisë së vlerës së shtimit të produkteve fillestare si mjet efikas për forcimin e potencialit konkurrues të GMS-it. Së dyti; realizimi i masave të nxitjes dhe të përkrahjes së përshtatshme në korridorin ekonomik lindje-perëndim dhe në zona të kufirit publik të nënrajonit, për të favorizuar krijimin e grupeve industriale. Së treti; brenda një viti të ardhshëm, do të ketë shumë shanse tregtare, që do të burojnë nga realizimi i korridorit ekonomik lindje-perëndim dhe i tregtisë kufitare, vendet e ndryshme duhet të kapin këto shanse.

Në këtë forum, zv/ministri kinez i tregtisë An Min tha se qeveria kineze i kushton rëndësi shumë të madhe bashkëpunimit të nënrajonit dhe i kushton vëmendje të madhe zhvillimit të përbashkët të vendeve të ndryshme të nënrajonit, si dhe përkrah aktivisht qarqet industriale dhe tregtare që të luajnë rol më të madh në bashkëpunimin e nënrajonit. Ai ka njoftuar në mënyrë konkrete për 5 masa që ka marrë Ministria e Tregtisë e Kinës për nxitjen e bashkëpunimit të nënrajonit në fushat ekonomiko-tregtare dhe të investimeve.

Siç mësohet, në këtë forum 3 ditor, afro 400 përfaqësues të 6 vendeve të GMS-it parashikohet të arrijnë unanimitet mendimesh lidhur me zgjidhjen e pengesave që ndikojnë mbi bashkëpunimin ekonomiko-tregtar të nënrajonit. (Sihai)