dëgjoni

Dalieni është qytet i bukur bregdetar në provincën Liaonin të Kinës veri-lindore

Vitet e fundit, industria e softeve në Dalien ka marrë një zhvillim të madh dhe Dalieni është bërë bazë e rëndësishme e industrisë kineze të softeve. Kyçi i zhvillimit të industrisë së softeve është në se prodhohen produkte të reja. Industria e softeve është një industri e re dhe kjo industri ka ruajtur, vitet e fundit prirjen e zhvillimit të shpejtë në të gjithë botën. Sipas të dhënave, në vitin 2004 vëllimi i shitjes së softeve arriti 880 miliardë dollarë, duke u shtuar 11% në krahasim me vitin 2003.

Parku i softeve i Dalienit gjendet në jug të qytetit, ku numërohen 250 ndërmarrje të softeve. Gjatë 7 vjetëve pas krijimit të këtij parku vëllimi i shitjes së softeve është shtuar mesatarisht 30% në vit dhe në vitin 2004 të ardhurat nga shitja e softeve arritën në 3 miliardë juanë. Ngritja pandërprerë e aftësisë krijuese është një faktor i rëndësishëm i zhvillimit të shpejtë të parkut të softeve të Dalienit.

Për të ngritur aftësinë krijuese, duhet të zgjidhet në radhë të parë problemi i personelit të softeve. Për këtë, në vitin 2001 në bashkëpunim me ndërmarrjet përkatëse u krijua në Dalien instituti teknologjik i informacionit, shkolla më e madhe për përgatitjen e personelit të softeve në Kinë. Tani në këtë shkollë mësojnë 9 mijë studentë. Pastaj në parkun e softeve të Dalienit u krijuan tri institute të tjera të softeve. Krahas këtyre, me përkrahjen e Bashkisë së Qytetit të Dalienit, në 22 shkolla të larta që ndodhen në Dalien, janë krijuar specialitete të softeve. Krijimi i këtyre instituteve ka përgatitur një numër të madh personelesh të softeve. Krahas kësaj, Parku i softeve i Dalienit ka hartuar edhe shumë direktiva politike për tërheqjen e personelit të vendeve të tjera të botës në Dalien.

Drejtori i Drejtorisë së Industrisë së Informacionit të Dalienit, zoti Luan Chinvei tha: Megjithëse kemi krijuar një sistem relativisht të përsosur të përgatitjes së personelit, akoma nuk është e mjaftueshme radha e personelit të softeve.

Tani në Parkun e softeve të Dalienit punojnë 12 mijë inxhinjerë të softeve, shumë prej tyre kanë punuar në vende të tjera të botës. Tërheqja e këtij personeli u ka siguruar ndërmarrjeve përkrahje të madhe njerëzore. P.sh. Kompania e Teknologjisë Digjitale Kangji e Dalienit është krijuar nga disa profesorë të shkollave të larta të Dalienit dhe nga dy kinezë me nënshtetësi amerikane. Drejtori i përgjithshëm i kësaj kompanie, zoti Su tha: Kompania jonë merret kryesisht me studimin dhe prodhimin e softeve. Shumë softe të prodhuar nga kompania Kangji mirëpriten jo vetëm në Kinë, por edhe në SHBA.

Vitet e fundit shumë ndërmarrje të parkut të softeve të Dalienit kanë ngritur nivelin e eksperimenteve të tyre, duke shfrytëzuar rastin që shumë kompani të huaja i transferojnë shërbimet e tyre të informacionit në rajonin e Azisë dhe të Paqësorit. Shumë ndërmarrje të Dalienit mësojnë dhe grumbullojnë përvojën dhe më në fund krijojnë produkte të reja ,duke ngritur aftësinë tyre konkuruese. ( zhang )