Qysh nga vitet 90 të shekullit të kaluar ka shpërthyer një hov gjithënjë e më i madh në mësimin e gjuhës kineze dhe ky hov ka përfshirë të gjithë Tajlandën, ku kanë dalë si k;rpudha pas shiut shkolla të ndryshme të gjuhës kineze. Në shkollat e mesme dhe fillore, shtetërore dhe private, janë hapur deg; ose jepen mësime të gjuhës kineze. Gjithnjë e më shumë banorë qoftë me prejardhje kineze, qoftë me prejardhje nga kombe të tjera po mësojnë gjuhën kineze. Edhe dy banka të mëdha komerciale të Tajlandës, Banka e Bangkokut dhe Banka e Fshatarëve Hwatai kanë hapur faqet e tyre elektronike në gjuhën kineze, gjithënjë e më shumë tajlandezë po vijnë për turizëm dhe vizitë në Kinë, edhe shkëmbimet dhe bashkëpunimi ekonomiko-tregtar tajlandezo-kinez po zhvillohen gjithënjë e më me vrull.

Përvetësimi i gjuhës kineze ndihmon në shtimin e njohjes së Kinës, në shtimin e shkëmbimeve dhe të bashkëpunimit tregtar me Kinën, ky është bërë mendim i përbashkët i të gjithë tajlandezëve. Princesha shumë e respektuar nga tajlandezët Siliton ka mësuar me këmbëngulje gjuhën kineze, studjon me përkushtim kulturën kineze, ka vizituar shumë krahina të Kinës, duke u bërë një nxitëse direkte dhe duke u ngritur si shembull i tajlandezëve në mësimin e gjuhës kineze.

Nuk është gjë e çuditshme që në Tajëandë, ku jetojnë të përqendruar shumë emigrantë kinezë dhe banorë me prejardhje kineze ka marrë një hov tëpaparë mësimi i gjuhës kineze dhe nuk është gjë e rastit që në mbarë botën, vitet e fundit, ka shpërthyer ky hov.

Gjatë më se 20 vjetëve të reformës dhe hapjes së Kinës, të quajtur vend i lashtë i civilizimit të Lindjes, ekonomia e këtij vendi është rritur me shpejtësi të madhe, potenciali kompleks shtetëror është shtuar nga dita në ditë dhe Kina është ngritur në skenën botërore. Ndryshimet kolosale në Kinën në zhvillim kanë tërhequr vëmendjen e vendeve të ndryshme të botës dhe kanë tërhequr biznesmenë të vendeve të ndryshme të rivalizojnë për mundësitë tregtare. Me pranimin në Organizatën Botërore të Tregtisë, përballë botës dhe të ardhmes, Kina do të hapet më tej dhe do të zhvillojë shkëmbime dhe kontakte gjithënjë e më të ngushta dhe më të thella me vendet e botës. Pikërisht në këtë sfond në mbarë botën ka shpërthyer një fushatë e madhe e mësimit të gjuhës kineze.

Në SHBA, gjuha kineze është gjuha e dytë pas spanishtes, pedagogët që japin njëkohësisht mësimin e gjuhës kineze dhe të asaj angleze mirëpriten gjithënjë e më shumë, në shkollat e mesme të ciklit të lartë jepen lëndë mësimore të gjuhës kineze dhe zhvillohen provimet përkatëse. Në Korenë e Jugut gati 400 mijë veta mësojnë gjuhën kineze, çdo vit mbi 20 mijë prej tyre marrin pjesë në provimet e gjuhës kineze, kështu që përvetësimi i gjuhës kineze është bërë tani një nga kushtet e favorshme për punësimin atje.

Edhe në gati 100 shkolla të larta të Francës janë hapur mbi 10 specialitete të gjuhës kineze dhe në mbi 100 shkolla të mesme dhe fillore jepet mësimi i gjuhës kineze.

Shefi i Zyrës së grupit drejtues shtetëror kinez të mësimdhënies së gjuhës kineze për të huajt Yan Meihua, që ndodhet këtu për vizitë, i tha gazetarit se tani në mbarë botën mësimi i gjuhës kineze ka marrë një hov të ri, gati 25 deri 30 milionë njerëz të mbi 100 vendeve të botës po mësojnë gjuhën kineze dhe është shtuar me shpejtësi të madhe numri i pjesëmarrësve të huaj në provimet e niveleve të ndryshme të gjuhës kineze, vitin e kaluar kjo shifër arriti në 80 mijë veta. Komuniteti ndërkombëtar parashikon se në shekullin e 21-të gjuha kineze do të bëhet një gjuhë e re e fuqishme që do të përdoret nga më shumë njerëz në botë, duke ia kaluar gjuhës angleze.

Qeveria kineze i kushton rëndësi të madhe përhapjes së gjuhës kineze ne botë, për të shtuar njohjen dhe miqësinë me popujt e vendeve të ndryshme, për të nxitur shkëmbimet ekonomiko-tregtare dhe tekniko-shkencore, në vitin 1987 ajo formoi posaçërisht një grup drejtues shtetëror të mësimdhënies për të huajt, të përbërë nga 11 sektorë të Këshillit të Shtetit.

Vitin e kaluar u vu në zbatim plani i pesëvjeçarit të parë të veprës "Ura e gjuhës kineze" nga ky grup drejtues dhe po bëhen përpjekje që në vitin 2007 numri i të huajve që mësojnë gjuhën kineze në mbarë botën të arrijë në 100 milionë. Shefi Yan Meihua i tha korrespondentit të radios sonë se vepra "Ura e gjuhës kineze", nëpërmjet 4 planeve pesëvjeçare, do ta bëjë gjuhën kineze një gjuhë të fuqishme, në mënyrë që bota me anën e kësaj ure të gjuhës kineze, ta njohë Kinën.

Përpara rritjes së shpejtë të kërkesave për të mësuar gjuhën kineze në vende të tjera, mungesa e rëndë e pedagogëve të gjuhës kineze përbën një pengesë të madhe të zhvillimit të mësimdhënies në vende të tjera. Kina ka përgatitur pedagogë të gjuhës kineze për vende të tjera duke dërguar atje pedagogë ose duke ftuar pedagogë të huaj në Kinë, ajo përkrah hapjen e specialitetit të gjuhës kineze në vende të tjera dhe të përgatitjes së pedagogëve të gjuhës kineze, si dhe rekruton vullnetarë kinezë për të dhënë mësimin e gjuhës kineze jashtë vendit. "Plani i vullnetarëve kinezë si pedagogë ndërkombëtarë të gjuhës kineze" i hartuar nga Zyra e Grupit Drejtues Shtetëror të mësimdhënies së gjuhës kineze për të huajt është pjesë përbërëse e veprës "Ura e gjuhës kineze", ai është gjithashtu plani i parë i Kinës për rekrutimin në shkallë kombëtare të vullnetarëve që do të dërgohen në vende të huaja për të dhënë mësimin e gjuhës kineze.

Në qershor të vitit të kaluar, 17 vullnetarë të Universitetit Pedagogjik Fu Jian shkuan për të punuar si pedagogë në 8 shkolla të gjuhës kineze të Filipineve, duke filluar kështu dërgimin e vullnetarëve kinezë jasht vendit. Tani, mbi 170 vullnetarë kinezë japin mësimin e gjuhës kineze në mbarë botën, për të përhapur kulturën kineze, për të ndërtuar urën e gjuhës kineze dhe për të mbjellë farën e miqësisë. Nga kjo mund të parashikojmë se me fillimin e veprës "Ura e gjuhës kineze", gjuha kineze do të bëhet një gjuhë e re e fuqishme në botë. (Pina)