Për të gjetur metoda efikase për mjekimin e sidës, specialistë mjekësorë të shumë vendeve të botës po vazhdojnë përpjekjet në këtë drejtim. Ç' rol luan mjekësia popullore kineze dhe ç' epërsi kanë ilaçet e mjekësisë kineze në mjekimin e sidës, në krahasim me ilaçet e mjekësisë perëndimore?

Në mes të viteve 80 të shekullit të kaluar, epidemia e sidës ishte përhapur gjerësisht në kontinentin afrikan. Që nga ajo kohë, mjekësia popullore kineze filloi të luajë rolin e saj në procesin e mjekimit të sëmundjes së sidës.

Në vitin 1987 presidenti i Tanzanisë vizitoi Kinën. Gjatë vizitës, ai shprehu shpresën që Kina do të dërgojë specialistë të mjekësisë kineze në Tanzani për mjekimin e sidës. Qeveria kineze pranoi këtë kërkesë dhe filloi bashkëpunimin me Tanzaninë në mjekimin e sidës me ilaçet e mjekësisë popullore kineze. Zoti Yan Lonhui, nga Drejtoria Administrative e Ilaçeve të Mjekësisë Kineze, tha:

Sipas marrëveshjes midis qeverisë kineze dhe qeverisë tanzaniane, ky bashkëpunim ka vazhduar dhe po vazhdon deri më sot.

Sipas njoftimeve, gjatë 18 vjetëve të fundit specialistët kinezë kanë mjekuar afro 10 mijë pacientë të infektuar nga sëmundja e sidës. Përqindja efikase e mjekimit ka arritur 40 ?52%. Ndër to l0% e pacientëve të mjekuar para vitit 1990 jetojnë ende edhe sot.

Për arsye se sëmundja e sidës në Kinë u përhap gjatë viteve të fundit, mjekimi i sidës me ilaçet e mjekësisë popullore kineze në Kinë ka një kohë të shkurtër. Tani shumica e pacientëve kinezë mjekohen me metodën e mjekimit kundër virusit, një metodë që përdoret gjerësisht në botë. Puna eksperimentale e mjekimit të sidës me ilaçet e mjekësisë popullore kineze filloi në vitin 2004 në Kinë. Deri tani numrohen 7 mijë pacientë që mjekohen me këtë metodë. Ata janë të shpërndarë në 11 provinca e qytete të Kinës.

Provinca Hënan në Kinën qendrore është një nga provincat eksperimentale për mjekimin e sidës me ilaçet e mjekësisë popullore kineze. Zoti Shy Liluan që përgjigjet për mjekimin e sidës, tha:

Në provincën Hënan po mjekohen 1792 pacientë të sidës me ilaçet e mjekësisë kineze.

Mjekësia perëndimore i mjekon pacientët nëpërmjet vrasjes së virusit, ndërsa mjekësia popullore kineze mjekon nëpërmjet rregullimit të aftësisë fizike.

Për të treguar më tej epërsinë e mjekësisë popullore kineze dhe për të mirën e pacientëve të sidës, Kina po zhvillon studimet përkatëse. Zoti Yan tha: Ne do të zhvillojmë eksperimentime shkencore në dy drejtime: do të krijojmë standarde të provës klinike dhe sistemin e vlerësimit të efekteve të mjekimit, për të dhënë argumente shkencore për mjekimin e sidës me ilaçet e mjekësisë kineze. ( zhang )