Ky forum ka për qëllim të nxitë Kinën të përsosë sistemin e ekonomisë së tregut dhe të nxitë botën të njohë pozitën e ekonomisë së tregut të plotë kinez. Në fjalimin e mbajtur në këtë forum, nënkryetari i komitetit kombëtar të Konferencës Konsultative Politike të popullit kinez, z. Li Guixian tha se Kina po punon vazhdimisht për ndërtimin dhe për përsosjen e sistemit të ekonomisë së tregut, vendet e ndryshme të botës duhet të njohin thellësisht gjendjen e ekonomisë së tregut kinez, për të nxitur bashkarisht zhvillimin e ekonomisë botërore.

Zhvillimi i ekonomisë së tregut kinez i ka sjellë popullit kinez interesa shumë të mëdha dhe ka dhënë kontributin për ekonominë botërore. Kina dhe SHBA-ja, Bashkimi Evropian, si dhe vendet e tjera me ekonominë e tregut janë të njëllojta nga thelbi, Kina ka zbatuar plotësisht ekonominë e tregut. Shumë vende nënvlerësojnë kontributin e Kinës për ekonominë botërore dhe u mungon studimi i thellë për sistemin e ekonomisë së tregut kinez, si dhe i kërkojnë Kinës të kryejë detyrimet joreciproke me të drejtat e saj, gjë që është e padrejtë për Kinën.

Në standardet e vlerësimit nëse të krijohet sistemi i ekonomisë së tregut, më e rëndësishmja është forma e shpërndarjes së burimeve dhe roli i qeverisë në ekonominë e tregut. Për këtë, drejtori i Drejtorisë së reformës komplekse të sistemit ekonomik pranë Komisionit shtetëror të zhvillimit dhe të reformës të Kinës, z. Fan Henhshan tha se tani, Kina ka krijuar sistemin e plotë të ekonomisë së tregut.

Tani, shkalla e tregut gjatë qarkullimit të ekonomisë kineze është shumë e lartë nga shpërndarja e burimeve të mallrave dhe nga shpërndarja e burimeve të faktorëve. Në sferën dhe në formën e administrimit të qeverisë po ndodhin ndryshime. Tani, Kina është bërë një vend i ekonomisë së tregut.

Vitet e fundit, Kina ka bërë përpjekje shumë të mëdha në përsosjen e sistemit të ekonomisë së tregut. Në kushtet paraprake me ekonominë shtetërore si kryesore, Kina ka inkurajuar dhe ka drejtuar aktivisht zhvillimin e përbashkët të pronësive të shumëllojshme. Në fillim të këtij viti, Kina ka ndërmarrë posaçërisht politika për krijimin e mjedisit të tregut të barabartë dhe mbi zgjerimin e mëtejshëm të hyrjes së ndërmarrjeve joshtetërore në treg, si dhe mbi lejimin e hyrjes së kapitaleve të ndërmarrjeve private në fushat e energjisë elektrike, të naftës etj. Përveç këtyre, Kina ka thelluar edhe reformën e ndërmarrjeve shtetërore, ka përmirësuar strukturën e shoqërive të ndërmarrjeve të mëdha shtetërore dhe ka shtuar aftësinë e konkurencës të ndërmarrjeve.

Në këtë forum, personalitetet e qarqeve ekonomike amerikane pohuan sukseset e arritura në zhvillimin e ekonomisë së tregut kinez dhe kanë parashtruar disa mendime për përsosjen e mëtejshme të ndërtimit dhe të qarkullimit të ekonomisë së tregut kinez. Profesori i universitetit të shtetit Arizona, Arthur Blakemore tha se qeveria kineze mund të luajë një rol më të madh në nxitjen e konkurrencës së lirë dhe të barabartë të ndërmarrjeve në treg. Ai është i mendimit se Kina duhet të marrë më tej masa dhe të përpiqet të ngrejë potencialin konkurrues të ekonomisë së vet.

Në këtë forum, ndihmës-bashkëpunëtori i vjetër ekonomik amerikan, Jefrey Koles tha se Kina duhet të zhvillojë më tej tregun e kapitaleve dhe të hapë rrugën e lirë për grumbullimin e fondeve të ndërmarrjeve.

Krahas rritjes së vazhdueshme të ekonomisë kineze dhe krahas shtimit të kontributit të ekonomisë kineze për ekonominë botërore, gjithnjë e më shumë vende po njohin gradualisht sistemin e ekonomisë së tregut kinez. Tani, 40 vende të botës e pohuan pozitën e ekonomisë së tregut kinez. Personalitetet e qarqeve ekonomike të dy vendeve, që marrin pjesë në këtë forum, thanë se zhvillimi i ekonomisë kineze ka rëndësi të madhe për rritjen e ekonomisë botërore. Sistemi i ekonomisë së tregut i përsosur vazhdimisht do të jetë në favor të sigurimit të zhvillimit të vazhdueshëm, të qëndrueshëm dhe të shpejtë të ekonomisë kineze dhe do të ushtrojë ndikimin pozitiv mbi zhvillimin e ekonomisë botërore. (Sihai)