Argjentina arriti të fitonte me penallti ndaj ekipit të Meksikës. Koha e rregullt e takimit përfundoi në barazim 0-0. Të dyja ekipet zhvilluan një lojë të ashpër, ku u dhanë 2 kartona të kuq dhe 7 kartonë të verdhë.

Në pjesën e parë të takimit, Argjentina nuk mundi të rrezikonte seriozisht portën e Sançezit, ndërsa Meksika dukej më e freskët në mesfushë. Saviola, i cili luante në vend të Tevezit, nuk mundi të justifikonte prezencën e tij dhe për shkak të kartonit të kuq, nuk do të luajë në ndeshjen e ardhshme. Pas pushimit, lojtarët e Meksikës dukeshin më të motivuar dhe arritën të merrnin kontrollin e ndeshjes.

Të dy golat e takimit u shënuan në kohën shtesë. Në minutën e 104-t, me golin nga Salsido, ekipit të Meksikës kaloi në avantazhin. Megjithatë, në minutën e 110-të, sulmuesi argjentinas Figueroa shënoi golin e barazimit për ekipin e tij.

Nga pika e bardhë e 11-metërshit, lojtarët e të dyja ekipeve arritën të shënonin në pesë tentativat e para, por Argjentina arriti të fitonte me Kambiason, i cili realizoi golin e fitores, pasi portieri Luks arriti të priste 11-metërshin e Rikardo Ozorios. Në finale, Argjentina do të përballet me ekipin e Brazilit, në stadiumin e Frankfurtit.