Pina: Keni ndjekur e ndiqni për shumë vjet emisionet e RJK në gjuhën shqipe, a mund të na tregoni se çfarë ju nxit të veproni vazhdimisht kështu?

Z. Daut Kryemadhi: Po. Ju faleminderit që ma bëtë këtë pyetje. Në shumë raste kjo pyetje më është bërë edhe nga të afërm, miq e shokë, madje edhe nga dëgjues të kësaj radioje. E them me bindje dhe me plot gojën, për të gjithë ata që na ndjekin në Shqipëri, Kosovë, Maqedoni e kudo që jetojnë shqiptarë e ato që flasin shqip se :

RJK në gjuhën shqipe është zëri i së vërtetës në botë. Jep lajmin e saktë e të shpejtë. Në programin e saj 60 minutash çdo ditë trajton një gamë të gjerë problemesh. Për dijeninë e dëgjuesit unë që po ju flas ndjek rregullisht edhe radio të tjera në shqipëri : " Zëri i Amerikës", " BBC " , " Dojce Vele " etj. Pa ia ulur aspak vlerat edhe këtyre stacioneve, për mua RJK ka të veçantën dhe specifikën e saj. Gjithmonë sipas mendinmit tim kjo radio e pasqyron drejtë dhe saktë realitetin objektiv, si për cështjet kombëtare dhe ato ndërkombëtare.

Kam kaq vite që e ndjek me vëmendje dhe përkushtim çdo emision në programet e kësaj radioje. Nuk më ka rastisur qoftë edhe një herë të vetme që nga mikrofoni i saj të shprehet urrejtje për një popull a shtet, apo për udhëheqës e politikanë të ndryshëm në botë. Do të thosha se edhe në ato raste kur kritikohet me fare pa të drejtë, ose të themi shqip, i bien në qafë Kinës , mikrofoni i kësaj radioje vetëm e hedh poshtë me argumente bindës e shkencore, pa përdorur në asnjë rast fyerjen, kërcënimin dhe gjuhën e vendit më të madh në botë. Kjo është një mrekulli dhe këtë e bën vetëm RJK si pjesë e së tërës Kina e madhe.

Unë personalisht që e ndjek prej shumë vitesh këtë radio nuk më ka ndodhur në asnjë rast që të dëgjoj një emision apo koment e cështje të trajtuar që ka rënë ndesh dhe nuk është përputhur me mendimin dhe bindjen që kam edhe unë.

Të gjitha problemet që trajtohen në programet në shqip në RJK përfshijnë një spektër të gjërë të jetës e të punës, të historisë e të kulturës në Kinë. Ato paraqiten aq realiste dhe konkrete sa të duket kur i dëgjon se ndodhesh pranë tyre dhe i prek me dorë, ndonëse janë mijëra km larg teje.

Redaksia e gjuhës shqipe në RJK ka një staf të mrekullueshëm, me kulturë të gjerë e nivel të lartë përgatitjeje. Ata përgatiten shumë seriozisht e me përkushtim maksimal për punën që bëjnë. Në çdo rubrikë të emisioneve që jepen secili nga dëgjuesit ka se çfarë të mësojë. Duke përfituar nga rasti desha të përgëzoj me gjithë zemër të gjithë këtë staf kaq të shquar.

Respekt dhe urim të vecantë për dy drejtuesit e kësaj redaksie znj. Damini e Van Lei. Respekt dhe urime të vecanta edhe për Pina, Huai Lu, Vera, Çan Jen ( Zana ) e të tjera gra e vajza që ende nuk ua di emrat, për të vazhduar me Çanin, Tung, Fanin, Husen, Shykuo etj, që edhe këto të më falin se nuk i njoh të gjithë me emra. Një përshëndetje dhe për specialistin Ruzhd Stringa dhe Eva që përgatisin emisione shumë të bukura. Desha të shpreh përshtypjen e veçantë që krijova për Çan Jen ( Zana ) . U befasova nga cilësia e të folurës dhe përgatitjes me përkushtim të saj, për të cilën fjalë shumë të mira më foli dhe z.Vasil Naci kur u kthye në Tiranë.

Pina: Në fillim,ju lutemi,bëni një paraqitje para dëgjuesve tanë të dashur shqiptarë.

Z. Kryemadhi: Po. Ju faleminderit shumë për intervistën. Me këtë rast po më jepni mundësinë të shpreh nëpërmjet mikrofonit tuaj disa fjalë zemre për radion tuaj kaq prestigjoze dhe vendin tuaj të madh që është një shembull frymëzimi për të gjithë botën.

Quhem Daut Kryemadhi, kam lindur në Tiranë më 1949, pra jam moshatar me RP të Kinës. Banoj po këtu në Tiranë. Nga profesioni kam qenë ushtarak dhe tani ndaj të njëjtin fat me mijëra shokë që janë në pension të parakohshëm, si ushtarakë në lirim.

Jam një nga dëgjuesit e shumtë dhe nga më të hershmit e RJK-së në shqip. Po të bëja një krahasim figurativ, unë jam vetëm një pikë ujë në detin e madh të dëgjuesve këtu në Shqipëri apo Kosovë, Maqedoni e kudo në botë ku ka shqiptarë që e dëgjojnë radion tuaj kaq të mrekullueshme.

Në një farë mënyre në këtë masë të madhe të dëgjuesve unë edhe njihem, të paktën, si emër. Këtë e vërtetova më së miri më 26.11. 2004, në Tiranë, kur nga redaksia juaj u organizua takimi me dëgjuesit në një bashkëpunim që ju patët me Radio Tiranën e TV shqiptar. (Pina)