Kampioni i parë në Lojërat Olimpike moderne ishte sportisti amerikan, Xhejms Konoli. Në ditën e parë të këtyre Lojërave Olimpike, d.m.th në të njëjtën ditë me ceremoninë e hapjes, më 6 prill të vitit 1896, në sportin e parë ku lindi kampioni ishte kërcim së gjati me trehapsh. Me rezultatin 13,71 metra, Konoli fitoi çmimin e parë dhe u bë kampioni i parë i Lojërave të para Olimpike moderne. Pas shpalljes së fitores së tij, në stadium u interpretua himni kombëtar i SHBA-së dhe u ngrit flamuri kombëtar amerikan. Kjo ceremoni është bërë ceremoni tradicionale e dhënies së çmimeve në Lojërat Olimpike. Mirëpo, rezultati i tij nuk ishte më i miri në botë, sepse rekordi botëror i kërcimit së gjati me trehapsh që u krijua nga një sportist irlandez në vitin 1895, me rezultatin 15,26 metra.

Mirëpo për të fituar këtë titull kampioni, Konoli ka bërë një sakrificë të madhe. Ai ishte student i Universitetit Amerikan Harvard dhe shprehu dëshirën për të marrë pjesë në Lojërat Olimpike, por universiteti i tij nuk e lejoi. Kështu kur ai u kthye nga Greqia, Universiteti i Harvardit e përjashtoi Konolin për arsye se ai kishte shkelur rregullat e shkollës. Më vonë, ky kampion i parë i Lojërave Olimpike moderne u bë një gazetar dhe shkrimtar i njohur, bile pati një miqësi të thellë me presidentin amerikan, Rusevelt. Ky i fundit i vlerësonte lart librat e Konolit. Në vitin 1949, kur Konoli ishte 81 vjeç, Universiteti i Havardit i dha atij titullin e doktorit të nderit të universitetit, në kujtim të kontributit që kishte dhënë për Lojërat Olimpike moderne. Gjithashtu, Universiteti i Havardit kërkoi falje para këtij studenti për përjashtimin e dikurshëm nga shkolla.

Disa fjalë shtesë: Për arsye objektive, shumë sportistë pjesëmarrës në Lojërat e para Olimpike moderne nuk i njihnin shumë mirë këto lojëra. Pjesëmarrja e tyre ishte pak e shumë e rastësishme. Ai sportist që ndodhej në Athinë gjatë zhvillimit të këtyre Lojërave Olimpike dhe interesohej për këto lojëra, mund të marrin pjesë në këtë takim madhështor sportiv. Si përshembull, sportistët amerikanë erdhën kryesisht nga Universiteti Harvard dhe Universiteti Princeton. Këta pjesëmarrës organizuan vet grupe dhe grumbulluan vet fond. Qëllimi kryesor i tyre ishte udhëtimi në Evropë dhe jo pjesëmarrja në Lojërat Olimpike. Dhe persona të tjerë përbërës të ashtuquajturve delegacione nuk ishin shumë zyrtarë. Për shembull, delegacioni anglez përbëhej prej një australiani, një irlandezi dhe 4 turistëve nga londinezë në Athinë si dhe 2 punonjësve të ambasadës së Anglisë në Athinë. (Çan Yean)