dëgjoni

Qysh nga Lojërat Olimpike të Los-Angjelosit në vitin 1984, lëvizja olimpike ka qenë e lidhur ngushtë me biznesin. Si një ngjarje e madhe që tërheq vëmendjen e të gjithë botës, Lojërat Olimpike janë bërë platforma më e mirë për përhapjen dhe reklamat e ndërmarrjeve. Megjithëse ka edhe mbi 3 vjet kohë që nga hapja e Lojërave Olimpike të Pekinit, tregu kolosal i këtij takimi madhështor global ka tërhequr prej kohësh shumë ndërmarrje, të cilat aspirojnë të marrin pjesë në këtë ngjarje të madhe, ashtu si edhe sportistët.

Në anën e Komitetit Olimpik Ndërkombëtar, programi "Partner Olimpik" është një rast shumë tërheqës për ndërmarrjet në botë. Sipas përcaktimeve përkatëse, ndërmarrja që bëhet partner olimpike global do të gëzojë të drejtën e pronësisë intelektuale olimpik në mbarë botën, njëkohësisht në një kategori të produkteve ose të shërbimeve vetëm një ndërmarrje mund të gëzojë të drejtën e tillë. Lidhur me këtë program, Grupi Kinez Lenovo kapi në mënyrë të prerë rastin dhe u bë partner i vetëm i Komitetit Olimpik Ndërkombëtar në degën e teknologjisë së informacionit. Duke kujtuar pjesëmarrjen në programin "Partner Olimpik", përfaqësuesja e grupit Lenovo, zj. Li Mei tha:

"Sipas strategjisë së grupit Lenovo, ne kishim kërkuar një platformë në përkrahje të ndërkombëtarizimit të kompanisë. Atëherë Komiteti Olimpik Ndërkombëtar mirëpriti një ndërmarrje kineze të bëhet anëtare e programit "Partner Olimpik" dhe, në të njejtën kohë, për shkak të tërheqjes së kompanisë IBM nga ky program, kategoria e teknologjisë së informacionit pritet të plotësohet. Kështu, ne ishim të mendimit se kjo gjë ishte një rast i rrallë për grupin tonë."

Grupi Lenovo, si Partner Olimpik, do të japë mbështetje në aparate kompjutrash, në fonde dhe në teknologji për Lojërat Olimpike Dimërore të Torinos 2006, Lojërat Olimpike të Pekinit 2008 si dhe për komitetet dhe delegacionet olimpike të mbi 200 vendeve e rajoneve të botës. Gjatë Lojërave Olimpike, funksionarë, media, punonjës dhe vullnetarë do të përdorin këto produkete, ndërsa Lenovo do të nxitë procesin e ndërkombëtarizimit të ndërmarrjes nëpërmjet përdorimit të shenjave të "5 rrathëve olimpike" dhe "Partnerit Olimpik Global".

Sipas përcaktimeve të Komitetit Olimpik Ndërkombëtar, anëtarët e programit "Partner Olimpik" nuk mund të kalojë shifrën 12, prandaj shumë ndërmarrje e kanë hedhur vështrimin në planifikimin e zhvillimit të tregut të Lojërave Olimpike të Pekinit. Mësohet se kërkesat tregtare të këtyre lojërave në Pekin do të kapin shifrën 600 miliardë juanë dhe do të përfshijnë ndërtimin e infrastrukturës, të pajisjeve sportive, të pajisjeve të mbrojtjes së mjedisit, shpenzimet në funksionimin e lojërave, shpenzimet në garantimin e sigurimit, etj. Fushat e gjera u japin raste ndërmarrjeve të tipeve të ndryshme. Tani, 8 ndërmarrje të famshme kineze dhe të huaja nënshkruan marrëveshje të përkrahjes me Komitetin Organizativ të Lojërave Olimpike të Pekinit, duke u bërë partnerë të këtyre lojërave. Grupi Volksvagen ofron shërbime për makinat e Lojërat Olimpike. Duke folur për rëndësinë e përkrahjes së tij ndaj Lojërave Olimpike të Pekinit, z. Uei Chengrui, përfaqësues të këtij grupi, tha:

"Nëpërmjet bashkëpunimit me Komitetin Organizativ të Lojërave Olimpike të Pekinit", ne kërkojmë e studiojmë së bashku teknikën e pakësimit të aksidenteve, zbatojmë edukimin e përgatitjet për sigurinë e ngasjes. Të gjitha këto mishërojnë konceptin e Olimpiadës humanitare."

Krahas ndërmarrjeve të mëdha si Volksvagen, edhe shumë ndërmarrje të mesme dhe të vogla janë optimiste për perspektivën e tregut olimpik dhe marrin pjesë aktivisht në të. Në të njejtën kohë, edhe Komiteti Organizativ të Lojërave Olimpike të Pekinit premton se do t'i japë rastin e konkurrencës së barabartë çdo "sportisti" në tregun olimpik.(Wang Lei)