Më 19 qershor u organizua në Pekin krosi masiv, i organizuar nga Drejtoria Shtetërore e Sporteve të Kinës, nga Federata Pankineze e Fiskulturës dhe nga Komiteti Olimpik i Kinës, me rastin e vitit sportiv ndërkombëtar.

Në orën 9 të 19 qershorit, u organizua në qendrën olimpike të Pekinit ceremonia e hapjes së këtij aktiviteti. Në të morën pjesë nënkryetari i Komitetit të Përhershëm të Asamblesë Kombëtare Popullore të Kinës Lu Yonshian, etj.

Kryetari i Komitetit Olimpik Ndërkombëtar Roge i dërgoi këtij aktiviteti një fjalim me shkrim. Një përfaqësues i banorëve të qytetit të Pekinit lexoi propozimin për pjesëmarrjen aktive në aktivitetet sportive masive për forcimin e shëndetit.

Ky aktivitet është një nga aktivitetet sportive masive kushtuar 10-vjetorit të publikimit të " programit sportiv për forcimin e shëndetit të popullit të të gjithë vendit". Me këtë rast u hap edhe festivali i 5-të sportiv i Pekinit.

Si në Pekin, ashtu edhe në kryeqendrat e 16 provincave të Kinës u organizuan, më 19 qershor, aktivitete të tilla sportive.

Gara e tenisit amator në Pekin

Më 19 qershor përfundoi në Pekin gara e hapur e tenisit për amatorët e Kinës, garë e organizuar nga Shoqata Kineze e Tenisit.

Në këtë garë morën pjesë jo vetëm amatorët e Pekinit, por edhe të qyteteve të tjerë të Kinës, si të Tiengjinit, të Shangait, si dhe amatorë të vendeve të tjera të botës, si të Anglisë, Japonisë, SHBA-së, etj, gjithësej mbi 400 vetë.

Sipas njoftimeve, si kjo garë e Pekinit, do të organizohen gara të tjera të tenisit për amatorët edhe në 10 qytete të tjerë të Kinës gjatë këtij viti. Gara finale do të organizohet në qytetin Gjianmen të provincës Guandong të Kinës. Çmimi i përgjithshëm i kësaj gare është 500 mijë juanë.

Forumi ndërkombëtar i Lojërave Olimpike të vitit 2008 në Pekin

Komiteti Organizativ i Lojërave Olimpike të Pekinit bëri të ditur, më 19 qershor në Pekin, se nga 25 deri më 26 qershor do të mbahet në Pekin, Forumi ndërkombëtar i Lojërave Olimpike të vitit 2008.

Ky forum organizohet bashkarisht nga Komiteti Organizativ i Lojërave Olimpike të Pekinit, nga Universiteti Popullor i Kinës, dhe nga institucione të tjera të Pekinit. Tema e këtij forumi është " Harmoni: ndikim i Lojërave Olimpike dhe pjesëmarrje e të gjithë popullit.

Gjatë këtij forumi, funksionarët, specialistët dhe dijetarët brenda e jashtë vendit do të shtjellojnë përmbajtjen e thellë të kulturës olimpike, do të diskutojnë punën kryesore përgatitore të Pekinit për Lojërat Olimpike të vitit 2008 dhe do të diskutojnë rreth kanaleve të pjesëmarrjes së të gjithë popullit në Lojërat Olimpike.

Sipas njoftimeve, gjatë forumit dhjetra specialistë të njohur kinezë dhe të huaj do të diskutojnë rreth problemeve kryesore që kanë dalë në punën përgatitore, si përmbajtja e kulturës olimpike, ndikimi i Lojërave Olimpike mbi shoqërinë, ekonominë dhe kulturën e Kinës, ceremonia e hapjes dhe ceremonia e mbylljes së Lojërave Olimpike të vitit 2008 etj. ( zhang )