dëgjoni

Një film artistik klasik ka një vitalitet të madh, ai është kujtesë e spektatorëve dhe një kornizë për producentë në riprodhimin e filmave televizivë. Tani në Kinë prodhohen 20 mijë deri 30 mijë seri të filmave seriale televizive. Lulëzimi i tregut dhe mungesa e skenarëve i bëjnë producentët e filmave televizivë të gjejnë një rrugë të reja dhe rixhirimi i filmave të vjetër artistik është bërë një rrugë e shkurtër për prodhimin sa më shpejt të filmave televizivë.

Deri tani, filmat televizivë kinezë të përpunuar në bazë të filmave artistikë janë "Ushtaraku i vogël Zhan Ga", "Në mes të detit të pyjeve me dëborë ", " Trima të fortë " . Filmat televizivë të riprodhuar në bazë të filmave artistikë me të njejtin titull, që po shfaqen kohët e fundit në televizione të ndryshme të Kinës, janë edhe filmat "Lule e lakrës së hidhur ", " Shkurti", filmi serial televiziv i përpunuar në bazë të filmit artistik rus " Agimi këtu është i qetë "etj.

Filmi artistik i xhiruar në vitet 40-të të shekullit të kaluar " Rrjedha e lumit Jance shkon drejt lindjes"quhej si filmi i parë poetik në Kinë, ku ishin mbledhur shumë yje kinematografikë të atëherëshëm si Baiyang, Taojin, Shu Xiuëen, Shanguan Yunzhu etj. Pas 50 vjetësh, filmi "Rrjedha e lumit Jance shkon drejt lindjes" u përpunua në filmin serial televiziv, ku marrin pjesë edhe yjet e tanishëm kinematografikë të pjesës kontinentale të Kinës dhe të Honkongut. Filmi serial televiziv " Rrjedhja e lumit Jance shkon drejt lindjes" pati shumë teleshikues gjatë shfaqjes së rundit të parë në televizionet e Kinës.

Tani forca krijuese e filmave televizivë në Kinë është akoma e dobët, shumë filma të mirëpritur serialë televizivë janë me skenarë të përpunuar në bazë të romaneve. Filmat artistikë klasikë sigurisht janë me bazë të mirë nga ana e skenarit dhe filmat serialë televizivë të prodhuar në bazë të këtyre filmave klasikë kanë mundësi të nxjerrin fitime dhe më pak rreziqe të humbjes.

Në xhirimin e filmave televizivë të përpunuar në bazë të filmave klasikë, producentët, në përgjithësi, veprojnë me gjithë seriozitetin e duhur dhe në mënyrë të matur. Disa filma serialë televizivë të përpunuar në bazë të filmave klasike kanë arritur sukses, kurse disa aspekte të rikrijuara nuk u parapëlqejnë spektatorëve. Lidhur me këtë, Administrata shtetërore e radio-film-televizionit të Kinës lëshoi një qarkore, ku u kërkohet sektorëve përkatës, televizoneve dhe shoqërive të prodhimit të filmave televizivë të mbajnë një qëndrim serioz në riprodhimin e filmave klasikë.

Në një intervistë me korrespondentin e Radios së Jashtme të Kinës, zv-drejtori i kinostudios kineze për fëmijë, regjisori Huan Jun tha se ai nuk e admiron por edhe nuk e kundërshton prodhimin e filmave serialë televizive të përpunuar në bazë të filmave klasikë. Riprodhimet kanë mundësi të korrin sukses, por edhe të kenë mossukses. Për këtë producentët përkatës duhet të marrin parasysh të gjitha rastet. (zhai)