Gjermania ka fituar në ndeshjen e parë për grupin A të Kupës së Konfederatave. Skuadra e Klinsmanit, pati vështirësi në marrjen e tripikëshit ndaj Australisë. Gjermanët fituan 4-3 në fund të një ndeshjeje mjaft spektakolare.

Në pjesën e parë, gjermanët u gjendën dy herë në avantazh, por në të dyja rastet u barazuan. Pas 17 minutash lojë, Gjermania kalon në avantazh me një gol të shënuar nga Kuranji. Katër minuta më vonë, Australia barazon. Josip Skoko shndërron në gol një goditje dënimi, duke përfituar nga vendosja e keqe e murit gjerman. Gjithsesi, skuadra e Klinsmanit reagoi vetëm dy minuta më vonë, duke shënuar me Martesacker. Shtatë minuta nga fundi i kësaj periode, Alosi barazon rezultatin.

Në pjesën e dytë, Balaku shndërron në gol 11-metërshin e fituar në minutën e 60-të. Dy minuta më vonë, Podolski dërgoi top në fund të portit të Australisë, duke siguruar 3 pikë për gjermanët, megjithëse Aloisi shënoi golin tjetër në minutën e fundit.