Në një konferencë shtypi të organizuar më 15 qershor në Pekin, zv/ministri i arsimit i Kinës Zhang Xinsheng tha se Kina do të organizojë Konferencën botërore të Kinezishtes në Pekin nga 20 deri më 22 korrik, kur mbi 300 politikanë, funksionarë, rektorë universitetesh, sinologë dhe punonjës të mësimdhënies së kinezishtes do të mbidhen në Pekin dhe do të diskutojnë për temën "Zhvillimi i kinezishtes në kornizën e multikulturës "

Z. Zhang Xinsheng tha se kjo konferencë është simpoziumi i parë ndërkombëtar i nivelit të lartë, i organizuar nga qeveria kineze me kinezishten si temë kryesore. Me stabilizimin afatgjatë politik dhe zhvillimin e shpejtë dhe të qëndrueshëm ekonomik, shkëmbimet midis Kinës e komunitetit ndërkombëtar në fushat tregtare, kulturore, arsimore, etj. janë shtuar dhe thelluar më tej. Kërkesat e vendeve të ndryshme për kinezishten janë shtuar me shpejtësi të paparashikuar dhe mësimdhënia e gjuhës kineze për të huajt nuk mund të plotësojë kërkesat. Tani, subjekti i nxitjes së zhvillimit të kinezishtes ka kaluar nga populli në qeveri. Sektorët e arsimit të shumë vendeve e kanë vënë kinezishten si kurs të domosdoshëm për mësimin e gjuhës së dytë në shkollat kryesore. Gjithënjë e më shumë qeveri dhe institucione popullore reagojnë nxehtësisht për krijimin nga Kina të Institeve të Konfucit jashtë vendit.

Z. Zhang Xinsheng vuri në dukje se pas reformës dhe hapjes, bota ka ruajtur perspektivë të mirë për zhvillimin e Kinës dhe i ka kushtuar gjithënjë e më shumë rëndësi Kinës. Është shtuar numri i turistëve dhe punonjëve të huaj në Kinë, kështu kinezishtja ka potencial të bëhet një gjuhë tregtare. Nga një anketë për studiuesit e kinezishtes del se gjithënjë e më shumë njerëz e mësojnë kinezishten për punësim.

Sipas një ankete, në SHBA 2500 shkolla fillore dhe të mesme kanë filluar ose kanë plan të japin mësimin e gjuhës kineze. Në rajonin e Azisë jug-lindore, mbi 20 mijë mësues të kinezishtes nuk mund të plotësojnë akoma kërkesat. Në Evropë, gjuha kineze është bërë një nga disiplinat e provimeve të përgjithshme të shkollave të mesme.

Zv/ministri i arsimit i Kinës Zhang Xinsheng tha se në situatën e re, qeveria kineze e konsideron zhvillimin e mësimdhënies së gjuhës kineze si çështje të shtetit. Si atdheu i gjuhës kineze, Kina ka detyrë të marrë më shumë masa aktive të sigurojë burime të mira të mësimdhënies së kinezishtes dhe të japë përkrahje e ndihma për zhvillimin e mësimit të kinezishtes në vende të ndryshme.

Mësohet se kjo konferencë do të ndodhet në tri sesione me tema përkatëse, "shkëmbimet e gërshetimi i multikulturës dhe kërkesat për kinezishten", "mekanizmi i ri i mësimdhënies së kinezishtes në kohën e sotme" dhe "perspektiva e mësimdhënies së gjuhës së dytë në botë". Tani mbi 200 persona nga 70 vende e rajone të botës janë regjistruar për pjesëmarrje në këtë konferencë. (Wang Lei)