Sipas njoftimit të gazetës Guangminzhibao, ditët e fundit u mbajt në Pekin "Konferenca e e bashkëpunimit kulturor aziatik " që zgjati 3 ditë.

Me ftesën e shoqatës së zhvillimit të kulturës kombëtare të Kinës, në këtë konferencë morën pjesë organizatat kulturore dhe përfaqësues përkatës të l6 vendeve aziatike si të Indisë, Koresë së Jugut, Singaporit, Tajlandës, Vietnamit etj.

Gjatë takimit me pjesëmarrësit e kësaj konference, nënkryetari i Komitetit të Përhershëm të Asamblesë Kombëtare Popullore të Kinës Li Tieying tha se shumëllojëshmëria është forcë nxitëse e përparimit të kulturës së njerëzimit. Ne duhet t'i kushtojmë një rëndësi të madhe jo vetëm mbrojtjes së shumëllojshmërisë së mjedisit natyror, por edhe të shumëllojshmërisë së kulturës.

Pjesëmarrësit e kësaj konferencë shprehën mendimin unanim se Azia është vend i rëndësishëm i burimit të civilizimit të njerëzimit, është një nga rajonet me zhvillim më të gjallë dhe me llojet më të shumta kulturore në botë. Nxitja e shkëmbimeve kulturore të vendeve të ndryshme aziatike dhe forcimi i bashkëpunimit midis këtyre vendeve në fushën e kulturës kanë rëndësi të madhe për lulëzimin e kulturës aziatike, për nxitjen e kontakteve kulturore midis vendeve aziatike dhe vendeve të tjera dhe për zhvillimin e dialogut të civilizuar në sferën botërore.

Pjesëmarrësit miratuan njëzëri krijimin e " Lidhjes së kulturës aziatike " dhe " Fondit të bashkëpunimit kulturor të Azisë" dhe paraqitën mendime konstruktive lidhur me objektivin, karakterin, detyrat dhe formën organizative të kësaj organizate të bashkëpunimit kulturor në rajonin e Azisë.

Sipas një njoftimi tjetër të Agjencisë kineze të lajmeve Hsinhua, kryetari i shoqatës së zhvillimit të kulturës kombëtare të Kinës Gao Zhanxiang tha se "Lidhja e Kulturës Aziatike ", organizatë jo qeveritare me pjesëmarrjen e vendeve të ndryshme të Azisë do të krijohet zyrtarisht në vitin 2006 nën përkrahjen e qeverive të vendeve të ndryshme dhe me pjesëmarrjen e gjerë të vendeve të ndryshme të Azisë. Kjo organizatë ka për detyrë të ruajë kulturat tradicionale të vendeve dhe kombeve të ndryshme të Azisë, të mbrojë shumëllojshmërinë e civilizimit dhe kulturës së njerëzimit dhe do të forcojë shkëmbimet dhe bashkëpunimin midis vendeve të ndryshme të Azisë dhe të krijojë një strukturë të re të bashkëpunimit kulturor midis vendeve të ndrzshme të Azisë. (zhai)