Z.Fan Chenzhuo është poet, profesor dhe përkthyes me përvojë dhe ish-ambasador i Kinës në Shqipëri dhe z. Zheng Enbo është bashkëpunëtor i Institutit të Studimeve Artistike të Kinës dhe anëtari i parë i huaj nderi i Lidhjes së shkrimtarëve dhe artistëve shqiptarë. Gjatë kontakteve dhjetra vjeçare me Shqipërinë, ata kanë lidhur një miqësi të thellë me miqtë shqiptarë dhe kanë mbajtur fort në mend kujtimet shumë të bukura për Shqipërinë , për malet e lumenjt si dhe bregdetin e Shqipërisë e për popullin e dashur, mikpritës dhe punëtor shqiptar.

Në këtë libër, z. Zheng Enbo ka shkruar shumë artikuj dhe proza për jetën e bukur studentore në Shqipëri, për miqtë e tij të dashur shqiptarë në fushën e letërsisë si Dritero Agolli, Jakov Xoxa dhe familjet e tyre, Dhimitër Xhuvani, për Xhevahir Spahiun dhe Spiro Deden, për ambasadorin e Shqipërisë në Kinë Kujtim Zhani, për filmat shqiptarë "Rrugë të bardhë ", "Shtigje të luftës", për komisarin e dritës, për balerinat dhe sportitë shqiptarë etj.

Në këtë libër janë përmbledhur edhe më se l00 poezi të poetit Fan Chenzhuo për Shqipërinë, si "Vizita në qytetin e shenjtë Krujë", " Shëtitje ne bregdetin e Adriatikut ", poezi kushtuar vizitave të kryeministrit Chu Enlai në Shqipëri, " Për malin e shenjtë të Tomorit ", " Vizita në Elbasan ". " Vizita në Berat ", " Vizita në zonat malore të Shqipërisë ",

" Ngjitja në malin e Dajtit", " Në qytetin e lashtë të Butrintit ", " Shëtitje në bregun e liqenit të Pogradecit "etj.

Ky libër është shumë i vlefshëm për miqësinë Kinë-Shqipëri, siç shkruan ambasadori i Shqipërisë në Kinë Kujtim Xhani në parathënien e këtij libri:

"Shqipëria dhe Kina, dy vende gjeografikisht larg njera tjetrës por realisht shumë pranë, festojnë sivjet 55 vjetorin e vendosjes së marrëdhënieve diplomatike. Kjo është një ngjarje e shënuar në historinë e marrëdhënieve në mes dy vendeve tona dhe Prof. Zheng Enbo dhe ambasadori Fan Chenzhuo, me botimin e librit " Vite të Paharruara ", jo vetëm kontribuojnë në miqësinë tonë tradicionale, por përfaqësojnë gjithashtu mesazhet më të mira me këtë rast.

Si ambasadori i Republikës së Shqipërisë në Republikën Popullore të Kinës, kam patur fatin dhe nderin të ndjej nga afër, në takimet zyrtare por edhe në ato me njerëz të thjeshtë, ndjenjat e miqësisë, sinqeritetin e bashkëpunimit dhe dëshirën për rritjen e zhvillimin e mëtejshëm të miqësisë në mes dy popujve e vendeve tona. Botimi i librit nga këta dy autorë, nuk është rastësi. Profesor Zheng dhe Ambasador Fani, kanë dhënë kontributin e tyre të shquar në marrëdhëniet në mes dy vendeve.

Prof. Zheng është ndoshta i vetmi albanalog që ka përkthyer rreth 90 autorë shqiptar që nga Naim Frashëri e deri autorët e rinj të ditëve të sotme. Për të përshkruar punën kolosale të Prof Zheng më mirë se çdo fjalë tjetër është krahasimi që shkrimtari i madh shqiptar Dritero Agoli i ka bërë punës së tij : " .. puna e prof. Zhengut është e barabartë me atë të një instituti të tërë .. "

Ndjenjat miqësore që Ambasadori Fan ushqen ndaj popullit shqiptar, ashtu sikurse lexuesi do ta vere re në leximin e këtij libri, e kanë shtyrë atë të shquhet jo vetëm në profesionin e tij të nderuar të diplomatit, por edhe në atë të artit. Poezitë e tij janë një histori e marrëdhënieve, janë ndjenja të sinqerta të popullit kinez të shprehura aq bukur dhe me nivel të lartë artistik nga përfaqësuesi i tyre diplomatik në Shqipëri.

Nëpërmjet librit " Vite të Paharruara ", lexuesit kinez ( me përkthimin në shqip të librit më vonë edhe atij shqiptar ) i transmetohet në nivel të lartë artistik një sintez e këtyre marrëdhënieve gjatë këtyre 55 vjetëve për të cilën kam nderin të shpreh vlerësimet më të larta dhe falenderimet më të mira për kontributin që autorët kanë dhënë dhe vazhdojnë të japin për miqësinë tonë. " (zhai)