Dëgjoni

Kënga që po dëgjoni titullohet "Gurrat rrjedhin me tingull të këndshëm". Kjo këngë që u kompozua në vitin 1978 është një vepër përfaqësuese e Ly Juanit. Në mënyrë të nënkuptuar, në këtë këngë tregohet dashuria e marinanëve të atëhershëm.

Ly Juani është një kompozitor i njohur kinez. Në periudhën fill pas shpalljes së Republikës Popullore të Kinës, ai kompozoi shumë këngë, në të cilat ngrihen lart punëtorë të profileve të ndryshme në ndërtimin e Kinës së re. Në vitet '60 të shekullit të kaluar, Ly Juani filloi të punonte në Ansamblin e Drejtorisë Politike të Forcës Detare të Kinës, ku kompozoi një numër të madh këngësh. Këto këngë që tregojnë jetën e marianëve u pëlqejnë shumë masave popullore. Kënga që sapo dëgjuat është një ndër to.

Në fund të viteve '70 të shekullit 20, në Kinë filloi të zbatohet politika e reformës dhe e hapjes ndaj botës së jashtme. Qysh nga kjo kohë, Ly Juani kompozoi një sërë këngësh të shkëqyeshme, të cilat tregojnë jetën e re të popullit kinez, si "Jeta jonë është plot me dritë të diellit", "Kënga e lulegjakut". Me ritme të këndshme dhe me melodi të rrjedhshme, këto këngë me karakteristika të theksuara kombëtare, u popullaizuan shumë shpejt në Kinë.

 Dëgjoni

Kënga që po dëgjoni titullohet "Jeta jonë është plot me dritë të diellit". Kjo këngë është kompozuar nga Ly Juani për filmin "Punë e ëmbël". Në këtë këngë tregohet për jetën e lumtur të personazhit kryesor të filmit dhe për dëshirën e tij për të ardhmen të ndritshme. Në vitin 1979, kjo këngë u zgjodh nga UNESCO-ja si material mësimor për muzikën aziatike.

Kur Ly Juani ishte i vogël, në vendlindjen e tij të Kinës verilindore, ai pati parë nga afër veprimet e egra të trupave agresore japoneze dhe fatkeqësitë që lufta u pati sjellë të dy popujve. Kjo i ka forcuar më tej mendimin që të bëjë diçka për paqen midis dy vendeve, kështu që pas viteve '80 të shekullit 20-të, ai bëri shumë punë për nxitjen e miqësisë dypalëshe dhe për përhajen e artit muzikor kinez në Japoni. Në të njëjtën kohë, Ly Juani solli në Kinë një grup veprash të dalluara artistike japoneze. Ai përktheu i pari për dëgjuesit kinezë këngën e njohur japoneze "Pranverë në veri", e cila është popullarizuar gjerësisht në Kinë.

Në fund të këtij programi, ju ftojmë të dëgjoni këngën kryesore të filmit "Flutur e gjelbër" e kompozuar nga Ly Juani. Në këtë film përshkruhen dy të dashuruarit kino-japonezë, të cilët u detyruan të ndahen për shkak të luftës. Filmi tregon aspiratën e dy popujve për paqe dhe për miqësi. Tani, ju ftojmë të dëgjoni këtë këngë që titullohet "Dëshirojmë të bëhemi flutura të fluturojmë së bashku".

 Dëgjoni (Çan Yean)