dëgjoni

Në maj të këtij viti, në revistën amerikane "News Week" u botua një numër me titullin "Shekulli i Kinës" si temë kryesore. Në kapakun e këtij numri, ylli kinematografik kinez Zhang Ziyi qesh si një lule e çelur dhe sfondi prapa saj është Muri i Madh Kinez dhe Kulla televizive e Shangait. Në këtë numër përdoren 21 faqe për njohjen e Kinës nga anët tregtare, arsimore, kinematografike, olimpike, të kulturës së makinave, etj. Kjo është shumë e rrallë në raportimin ndërkombëtar të kësaj reviste dhe shënon një hov të ri të Kinës në median e botës.

Nga reportazhe rastësore në të gjithanëshme

Në fakt ky hov për Kinën në median e botës filloi qysh nga gjashtëmujori i dytë i vitit të kaluar. Atëherë, disa media të fuqishme, si revista amerikane "Fortune", gazeta kanadeze "Globe and Mail", gazeta angleze "Guardian" dhe revista "Financial Times", dërguan përkatësisht gazetarë për intervista në krahinat e ndryshme të Kinës dhe botuan me radhë një sërë artikujsh me Kinën si temë kryesore. Në mars të këtij viti, BBC-ja bile e vendosi truallin e programit të debatit për aktualitetin politik në Shangai. Gazetari i parë i gazetës amerikane "Uashington Post", z. Filip Pan tha se vetëm ai duhet të shkruajë 2 ose 3 reportazhe për Kinën në javë, ndërsa kolegët e tij në Kinë kanë pothuajse të njejtin vëllim të detyrës.

Profesori i Shkollës së Gazetarisë të Universitetit Fudan të Kinës, Meng Jian ka këtë mendimit: "Mediat kryesore të perëndimit po e ndryshojnë mënyrën e reportazhit nga reportazhi rastësor në reportazhin e gjithanëshëm, të thellë dhe me iniciativë. Disa media dërguan bile grupe të fuqishme gazetarësh për inversita në Kinë."

Profesori Meng vuri në dukje se krahas ndryshimit në përmasa, disa media perëndimore kanë kaluar nga thëniet e fjalëve të këqia për Kinën në raportimin e Kinës në mënyrë objektive dhe të drejtë. P.sh., në një artikull të botuar më 23 tetor të vitit të kaluar në gazetën kanadeze "Globe and Mail" thuhet: "Megjithëse shumë njerëz shqetësohen për kopetencat e Kinës, lulëzimi ekonomik i Kinës e ka ndihmuar Japoninë të dalë nga kriza e gjatë pas Luftës së Dytë Botërore dhe SHBA-në të rimëkëmbej nga disfatët ekonomike të kohëve të fundit."

Lexuesit e huaj kanë interesa gjithënjë e më të mëdhae për Kinën

Gazetari japonez Nakagva Masao tha se raportimi i Kinës në mënyrë të qëndrueshme nga mediat e huaja është prirja e kohës, sepse "pozicioni i Kinës në botë është ngritur vit pas viti në fushat ekonomike, etj." Ai është i mendimit se për Japoninë Kina është një nga partnerët më kryesorë ekonomiko-tregtarë. Në problemin bërthamor të gadishullit korean, për të cilin preokupohet Japonia, Kina ka luajtur rol shumë të rëndësishëm si organizator i bisedimeve 6-palëshe. "Prandaj, populli japonez po tregon gjithnjë e më shumë vëmendje për Kinën."

Z. Filip Pan tha se në njoftimet për botën të gazetës "Uashington Post", lajmet për Kinën janë bërë gjithënjë e më të rëndësishme. Reagimi i lexuesve tregon se ata ushqejnë gjithënjë e më shumë interesa për problemet e Kinës. Ai tha: "Këtu ka disa arsye, p.sh. popullsia më e madhe në botë e Kinës, sukseset ekonomike gjatë mbi 20 vjetëve të fundit, etj. Kina u intereson investuesve, kompanive dhe bile, punëtorëve të thjeshtë të vendeve të tjera."

Në mbrëmjen e 28 tetorit të vitit të kaluar, kur u publikua lajmi i ngritjes së përqindjes të interesit bankar të Kinës, u hapën tregjet evropiane dhe amerikane. Megjithëse kjo ngritje nuk kishte përmasa të madhe, u ulën çmimet e shumë lëndëve të para në tregun ndërkombëtar, si nafta bruto, bronzi, alumini, ari, etj. Në numrin e kësaj dite të gazetës angleze "Financial Times" u botua artikulli me titull: "Ngritja e parë e interesave bankar të Kinës gjatë 9 vjetëve goditi tregun global".

Profesori Meng Jian tha se kjo tregon se zhvillimi i Kinës mund të ushtrojë mjaft ndikim mbi mediat botërore dhe mund të ngjallë jehonë pozitive. (Wang Lei)