dëgjoni

Bejzbolli është sporti shumë i preferuar për amerikanët. Sot, ky sport është përhapur edhe në Kinë dhe vitet e fundit ekipi i bejzbollit i Kinës ka patur përparime të dukshme.

Më 22 maj 2005, bejzbolli i Kinës hapi faqen historike. Në sheshin e bejzbollit të Mijazakisë të Japonisë, ekipi i Kinës mundi ekipin e Koresë së Jugut me rezultatin 4 me 3, duke u shpallur vendi i tretë i Kampionatit të 23-të Aziatik të Bejzbollit. Kjo ishte hera e parë gjatë 20 vjetëve që Kina u radhit në 3 vendet e para të Azisë dhe, njëkohësisht, Kina fitoi edhe biletën për pjesëmarrje në Kampionatin Botëror të Bejzbollit, që do të organizohet në shtator të këtij viti.

Kryetarja e shoqatës së bejzbollit të Kinës Jiang Xiuyun tha:

"Qysh nga viti 1985, kur Kina mori pjesë për herë të parë në Kompionatin Aziatik të Bejzbollit, vendi i ekipit kinez qe fiksuar në vendin e 4-t, kurse 3 vendet e para ishin gjithëmonë Japonia, Koreja e Jugut dhe Taipei i Kinës. Kësaj here vendi i tretë i ekipit kinez është një kapërcim i vërtetë. Ekipet e Japonisë, të Koresë së Jugut dhe të Taipeit të Kinës jo vetëm ka qenë ekipe të fuqishme në Azi, por edhe janë radhitur brenda 5 vendeve të para të botës. Thyerja e bllokatës së vendosur nga këto 3 ekipe të fuqishme tregon se bejzbolli në Kinë filloi të prekë nivelin botëror."

Zj. Jiang Xiuyun tha se për kalimin nga vendi i 4-t në vendin e 3-të, ose përparimin me një vend më lart në qarqet aziatike të bejzbollit, disa brezat e bejzbollistëve kinezë kanë bërë përpjekje të shumta. Rezultatet dhe përparimi i ekipit kinez nuk ndahen nga zhvillimi i Ligës së Bejzbollit të Kinës dhe nga procesi i ndërkombëtarizimit të bejzbollit të Kinës.

Mësohet se për të nxitur zhvillimin e bejzbollit të Kinës, Shoqata e Bejzbollit e Kinës organizoi në vitin 2002 Ligën e Bejzbollit të Kinës. Me një zhvillim 3-vjeçar, ekipet pjesëmarrëse në këtë ligë u shtuan nga 4 në 6 dhe numri i ndeshjeve të ligës u shtua nga 20 në 90 në vit. Me shtimin e ndeshjeve, bejzbollistët kinezë kanë fituar më shumë përvojë dhe aftësi në ndeshje. Njëkohësisht, Kina i ka lejuar ekipet pjesëmarrëse të ftojnë bejzbollistë të huaj nga Japonia, Koreja e Jugut dhe nga vende të tjera që janë të fuqishme në bejzboll. Këta lojtarë të huaj kanë luajtur rol pozitiv për ngritjen e teknikës së bejzbollistëve kinezë.

Krahas nxitjes së ligës së bejzbollit, kapërcimi historik i ekpit të bejzbollit mbështetet edhe te thithja aktivisht nga Shoqata e Bejzbollit të Kinës e përvojës të vendeve të fuqishme të bejzbollit. Tani Shoqata e Bejzbollit e Kinës krijon marrëdhëniet e ngushtë të bashkëpunimit me Ligën e Madhe të Bejzbollit të SHBA-së. Qysh nga viti 2003, ekipi shtetëror kinez ka shkuar çdo vit në SHBA për stërvitje, ndërkohë pala amerikane e ndihmon Kinën në zhvillimin e Ligës së Kinës dhe dërgoi edhe dy trajnerë të shquar amerikanë në Kinë për stërvitjen e ekipit shtetëror.

Gjuajtësi i ekipit kinez Wang Nan, që fitoi titullin si "gjuajtës më i dalluar" në Kampionatin Aziatik, tha:

"Mendoj se këta dy trajnerë amerikanë të nivelit të lartë na kanë sjellë teknologji të përparuar si dhe metoda të përparuara të stërvitjes. Kjo është arsyeja kryesore e ngritjes së shpejtë të ekipit tonë. Kjo fitore në Kampionatin Aziatik na shtoi shumë vetbesimin dhe na bën më të guximshëm në ndeshje me ekipe të fuqishme."

Zj. Jiang Xiuyun beson se duke bërë përpjekje të paepura, ekipi shtetëror kinez i bejzbollit do të ngrihet në lartësi të reja dhe ka shpresë të mundë edhe ekipe të fuqishme botërore edhe në Lojërat Olimpike. (Wang Lei)