dëgjoni

Krahas zhvillimit të shpejtë të ekonomisë kineze dhe zgjerimit të vazhdueshëm të hapjes ndaj botës së jashtme, gjithnjë e më shumë shoqëri të njohura shumëkombëshe ndërkombëtare kanë hyrë në Kinë nëpërmjet investimeve të përbashkëta dhe vetëve të huaja dhe formave të tjera. Shoqëria Shuguang LG-PHILIPS, që ndodhet qytetin Changsha, kryeqendër e provincës Hunan e Kinës qendrore, është një ndërmarrje me investime të përbashkëta kineze dhe të huaja. Sot kjo ndërmarrje po përpiqet të bëhet një ndërmarrje më e madhe e prodhimit të kineskopeve me ngjyra.

Shoqëria e Kufizuar Shuguang LG-PHILIPS ka qenë Shoqëria Shuguang-LG, një ndërmarrje e madhe e prodhimit të kineskopeve me ngjyra, e krijuar në vitin 1994, me investime të përbashkëta prej mbi 600 milionë dollarësh amerikanë të Bllokut LG të Koresë së Jugut dhe të Bllokut elektronik Shuguang të provincës Hunan të Kinës. Para 4 vjetëve, për shkak se Blloku LG dhe Shoqëria hollandeze PHILIPS i kanë bashkuar pjesët e tyre të prodhimit të kineskopeve, në një shoqëri me investime të përbashkëta, dhe kështu Shoqëria Shuguang-LG u shdërrua në Shoqërinë Shuguang LG- PHILIPS.

Gjatë 9 vjetëve, nga fillimi i prodhimit në vitn 1996 e deri në sot, ritmet e zhvillimit të Shoqërisë së Kufizuar Shuguang LG- PHILIPS janë të habitshme. Në një intervistë për gazetarët, zv/drejtorja e përgjithshme e kësaj shoqërie, zj. Li Tongqiu ka folur për ndryshime të mëdha gjatë disa vjetëve të fundit të Shoqërisë së Kufizuar LG- PHILIPS.

Nga fillimi i prodhimit në vitin 1996 e deri tani, shoqëria jonë prodhon 45 milionë e 100 mijë kineskope me ngjyra. Tani, aftësia e prodhimit të përditshëm ka arritur në 32 mijë. Në vitin 1996, sasia e prodhimit të përditshëm ka qenë vetëm 4 mijë, shoqëria jonë kishte vetëm një linjë prodhimi me dy lloje produktesh. Sot ne kemi 15 linja të prodhimit dhe mund të prodhohen 15 lloje produktesh. Ritmet e zhvillimit të saj janë shumë të shpejta.

Zonja Li Tongqiu tha, gjithashtu, se vitin e kaluar, shoqëria e saj ka prodhuar 11 milionë kineskope.

Blloku LG i Koresë së Jugut është një shoqëri shumë kombëshe dhe ka një histori mbi 50 vjeçare, të ardhurat e shitjes vjetore i kaluan 70 miliardë dollarët amerikanë.

Disa janë të mendimit se Blloku LG ka investuar në Hunan se atje ka krahë pune të lirë, kjo është një nga arsyet kryesore. Përveç kësaj, administrata e provincës Hunan na dha një përkrahje shumë të madhe gjatë ndërtimit të ndërmarrjeve tona.

Duke folur për politikat e favorshme të administratës së provincës Hunan në tërheqjen e investimeve të huaja, nënkryetari i Komitetit të zhvillimit dhe të reformës të kësaj province, z. Yuan Qianpei i tha gazetarit se provinca Hunan ka disa politika tona vendore. Ne i konsiderojmë ndërmarrjet me investime të mëdha, të inkurajuara nga politika shtetërore e industrisë, si vepra kryesore dhe anuluam taksat e tyre vendore. Përveç këtyre, provinca Hunan u dha ndërmarrjeve me investime të huaja, duke përfshirë edhe Shoqërinë e kufizuar Shuguang LG- PHILIPS, shumë privilegje në furnizimin e tokave, të egjergjisë elektrike, të ujërave etj.

Si rezultat i politikave të favorshme të qeverisë kineze për tregtarët e huaj, qysh nga fillimi i prodhimit, kjo shoqëri ka patur suksese të dukshme. Zonja Li tha se shoqëria e tyre është shoqëria më e madhe me investime të përbashkëta në provincën Hunan, edhe një shoqëri shembullore e investimeve të përtejdetit e Koresë së Jugut. Ajo ka fituar çmimin e presidentit të Koresë së Jugut. Deri në fund të vitit të kaluar, fitimet kaluan në 1 miliardë e 400 milionë dollarë amerikanë. Vëllimi i shitjes së vitit të kaluar arriti në 5 miliardë e 100 milionë juanë. Valutat e vitit të kaluar arritën në 1 miliardë e 690 milionë dollarë amerikanë.

Megjithëse ajo është një shoqëri me investime të përbashkëta kineze dhe të huaja, qysh nga fillimi, Shoqëria e Kufizuar LG- PHILIPS parashtroi kërkesën të bëhet një ndërmarrje e suksesshme kineze. Sipas njoftimeve, kjo shëqëri ka një linjë më të përparuar të prodhimit të kineskopit me ngjyra në botë. Rreth 85% e pjesëve të kësaj linje janë prodhuar nga ndërmarrjet kineze.

Tani ndër 4300 punonjësit e kësaj shoqërie, vetëm 30 punonjës kanë ardhur nga Koreja e Jugut, të tjerët janë kinezë. (Sihai)