dëgjoni

Kohët e fundit, në ofertat për ripunësimin e personave të mbetur pa punë në ndërmarrjet private, të bërë në Jinan të provincës Shandong, Li Guizhi, një punëtore e dalë nga puna, ka arritur vetëm brenda një ore një kontratë me një shoqëri të ushqimit. Ajo i tha gazetarit se niveli kulturor i punëtorëve të mbetur pa punë është i ulët, prandaj ata kanë vështirësi të ripunësohen. Sot ndërmarrjet private me një zhvillim të shpejtë ekonomik u kanë krijuar atyre shumë raste të punësimit. Sistemi i ndërmarrjeve private është relativisht elastik. Në qoftë se punëtorët e mbetur pa punë mund të ndryshojnë konceptin e tyre të vjetër, hyrja në ndërmarrjet private është një rrugë shumë e mirë e ripunësimit të tyre.

17 qytete të provincës Shangdong kanë zhvilluar në mënyrë të përgjithshme në qershor të këtij viti, aktivitete për ripunësimin e personave të mbetur pa punë. Nëpërmjet bashkëpunimit të ngushtë midis sektorëve të sigurimeve të punës, bashkimeve profesionale dhe federatës industriale dhe tregtare, 3 sektorët e sipërpërmendur kanë ruajtur epërsinë e tyre, kanë mbledhur aktivisht informacionin e vendeve të punës të ndërmarrjeve private dhe kanë ndihmuar kryesisht personat e mbetur pa punë dhe të diplomuarit, si dhe profesionistët në realizimin e punësimit dhe të ripunësimit.

Nga zyra e punësimit të punës e qytetit Jinan del se gjatë aktiviteteve për ripunësimin e personave të mbetur pa punë, 600 ndërmarrje private të qytetit Jinan morën pjesë në ofertat për punë, duke krijuar 15 mijë vende të punës në fusha të ndryshme.

Siç mësohet, qysh nga ky vit, provinca Shandong ka zhvilluar kryesisht aktivitetet e "Muajit ndihmës" dhe të "Veprimit ndihmës" për ripunësimin e personave të mbetur pa punë dhe për përmirësimin e mjedisit të punësimit të fshatarëve.

Nëpërmjet këtyre aktiviteteve ndihmëse, gjatë tremujorit të parë të këtij viti, në qytetet dhe qytezat e gjithë provincës Shandong u shtuan 333 mijë vende të punës, duke u shtuar 24% në krahasim me të njëjtën periudhë të vitit të kaluar. Sihai