Agjencia Zhongxin njoftoi se ditët e fundit rreth 6 mijë arësimtarë të ardhur nga më se 90 vende të botës u mblodhën në qytetin bregdetar perendimor të SHBA-së për të marrë pjesë në mbledhjen vjetore të Shoqatës amerikane të arsimtarëve ndërkombëtarë ( NAFSA) dhe panairin ndërkombëtar arsimor. Në këtë mbledhje është vendosur posacërisht një pavion kinez dhe u organizua edhe forumi i parë i rektorëve kinezë dhe amerikanë, gjë që tregoi se Kina është bërë një pikë e re e nxehtë e rivalitetit për studentë ndërkombëtarë.

Në këtë mbledhje vjetore janë ftuar arësimtarë, korrespondentë, shkrimtarë dhe funksionarë të njohur amerikanë për të mbajtur referatë mbi ndikimin e realitetit ndërkombëtar në arsimin ndërkombëtar dhe do të organizohen edhe më se 200 diskutime tematike qe do të përfshijnë të gjitha fushat e arsimit ndërkombëtar. Rektorët e 70 shkollave të larta të Kinës do të zhvillojnë me kolegët amerikanë diskutime për nxitjen e shkëmbimeve dhe të bashkëpunimit kino-amerikan në fushën e arsimit.

Si panairi më i madh i arsimit për studentë të huaj në botë, panairi i arsimit ndërkombëtar NAFSA është një rast i mirë për demonstrimin e figurave të shkollave të larta dhe të institucioneve arsimore dhe për grumbullimin e studentëve nga vende të ndryshme. Në panairin e sivjetëm marrin pjesë 250 shkolla të larta dhe institutione. Shumë shkolla të larta të SHBA-së, Anglisë, Francës, Australisë, Spanjes dhe të Koresë së Jugut etj vendosën në këtë panair reklama tërheqese.

Studentë ndërkombëtarë i sjellin çdo vit SHBA-së l3 miliardë dollarë amerikanë fitime.

Sipas statistikave të institucioneve arsimore amerikane, vitin e kaluar, numri i studentëve ndërkombëtarë që kanë ardhur për studime në SHBA u pakësua për herë të parë gjatë 30 vjetëve. NAFSA u bëri thirrje Departamentit amerikane të aprovojë ligje përkatëse për të tërhequr studentë ndërkombëtarë për studime në SHBA dhe njëkohësisht për të inkurajuar studentët amerikanë për studime në vende të ndryshme të botës për të shtuar njohjet e tyre mbi botën. Si vend kryesor i dërgimit të studentëve, Kina është bërë sigurisht fokusi i arsimtarëve ndërkombëtarë. Kësaj here, organizimi i forumit të rektorëve kinezo-amerikanë dhe diskutime tematike si dhe hapja e pavionit të arsimit ndërkombëtar të Kinës u dhanë një shans shkollave të larta të Kinës për t'i treguar botës figurat e tyre dhe për të tërhequr studentë të vendeve të ndryshme për studime në Kinë, njëkohësisht u dhanë edhe shans arsimtarëve ndërkombëtarë të vendeve të ndryshme për t'u njohur me arsimin e lartë të Kinës dhe për të tërhequr studentë kinezë për studime në vendin e tyre. (zhai)