dëgjoni

Me ardhjen e ditës botërore të mjedisit më 5 qershor, në një konferencë shtypi të organizuar më 2 qershor në Pekin nga Zyra Informative e Këshillit të Shtetit të Kinës, zv-drejtoresha e Drejtorisë së Përgjithshme Shtetërore të Mbrojtjes së Mjedisit Wang Jixu tha se në të ardhmen Kina do të forcojë zgjidhjen e problemeve të krijuara gjatë zhvillimit të shpejtë të qytetit, duke u krijuar banorëve të qytetit një mjedis të mirë ekologjik, të jetesës e të banimit të përshtatshëm me pak ndotje.

Vitet e fundit, krahas zhvillimit të shpejtë ekonomik, niveli i urbanizimit në Kinë është ngritur pandërprerë. Nga të dhënat statistikore të vitit të kaluar del se Kina ka mbi 660 qytete, sipërfaqja e qyteteve përbën 6% të sipërfaqes së përgjithshme të mbarë Kinës dhe popullsia e qyteteve përbën mbi 40% të popullsisë së përgjithshme të Kinës.

Në këtë konferencë shtypi zv-drejtoresha Wang Jixu tha se zhvillimi i shpejtë i nivelit të urbanizimit të Kinës i ka sjellë mjedisit të qyteteve një presion kolosal, duke krijuar një sërë problemesh të mjedisit. Ajo tha:

"Kina ndodhet në periudhën e zhvillimit të shpejtë të urbanizimit, shumica e qyteteve të Kinës ndjejnë shumë presione, të shkaktuara nga akvitetetet e shumta ekonomike, rryma njerëzore dhe logjistike e shpejtë, si dhe një sërë problemesh, si prapambetja e infrastrukturës, mungesa e shërbimeve publike etj."

Ndërtimet e infrastrukturës në qytetet e Kinës janë shumë të dobëta, nga të dhënat statistikore del se përqindja e trajtimit të ujit të përdorur në qytetet e mbarë vendit është vetëm mesatarisht 32%; përqindja e trajtimit të plehrave të jetesës në qytetet e Kinës është mesatarisht rreth 58%. Tani cilësia e ajrit është e keqe, cilësia e ujit të pijshëm nuk arrin standartet, si dhe ndotja nga automjetet, si dhe shumë probleme të tjera janë bërë problemet e shumta të interesuara nga banorët e qyteteve dhe që ndikojnë direkt cilësinë e jetesës së tyre.

Për të zgjidhur këto probleme, që ekzistojnë në mjedisin e qyteteve të Kinës, zv-drejtoresha e Drejtorisë së Përgjithshme Shtetërore të Mbrojtjes së Mjedisit zonja Wang Jixu vuri në dukje:

"Ne do të përcaktojmë dhe do të shfrytëzojmë në mënyrë shkencore dhe racionale vëllimin e mjedisit të qyteteve, do të caktojmë me saktësi pozitën e qyteteve në sferën rajonale ekonomike dhe pastaj do të rregullojmë drejtimin dhe strategjinë e zhvillimit të qyteteve."

Ajo bëri të ditur gjithashtu se në të ardhmen Kina do të shtojë investimet për mbrojtjen e mjedisit, për të ngritur nivelin e ndërtimeve dhe administrimit të infrastrukturës për mjedisin e qyteteve, krahas luajtjes së rolit kryesor drejtues të qeverisë, do t'i kushtojë edhe rolit të mekanizmit të tregut, për të mobilizuar plotësisht inisiativën e sektorëve të ndryshëm shoqërorë. Përveç këtyre Kina do të kontrollojë me rreptësi vëllimin e shkarkimit të të ndoturëve të qyteteve dhe do të zgjidhë problemet e mjedisit, që kanë të bëjnë me jetën e banorëve. ( Daming )