Pak kohë më parë, u mbyll në Pekin Forumi global i 9-të "Fortune". Gjatë forumit 3 ditor, drejtorët e përgjithshëm të mbi 70 ndërmarrjeve më të fuqishme të botës dhe qindra sipërmarrës dhe funksionarë kinezë diskutuan bashkarisht dhe gjerësisht për zhvillimin e Kinës dhe të rajoneve të tjera të Azisë dhe për raste, që ka krijuar Kina për shoqëritë shumëkombëshe globale.

Ky forum u zhvillua për të tretën herë në Kinë, në vitin 1999 dhe 2001 në Shangai, e Honkong dhe kësaj here në vitin 2005 në Pekin.

Duke sqaruar arsyet e organizimit të Forumit global "Fortune" për të tretën herë, brenda 6 vjetëve, në Kinë, drejtori i përgjithshëm i Shoqërisë Amerikane "Time Waener", Riçard D. Parsons tha se organizimi për herë të parë i Forumit global "Fortune" në Kinë ishte në vitin 1999. Vetëm gjatë disa vjetëve, ne pamë nga afër se në Kinë ndodhën pandëprerë ndryshime, por edhe ritmi i ndryshimit të saj është i habitshëm. Kina është bërë një pjesë e pamungueshme e botës dhe ka luajtur një rol të pazëvendësueshëm gjatë procesit të globalizimit ekonomik.

Zhvillimi i shpejtë i ekonomisë kineze ka tërhequr kujdesin e mbarë botës. Tema kryesore e këtij forumi në Pekin, e caktuar drejtpërdrejt nga revista "Fortune", ishte "Kina dhe shekulli i ri aziatik". Rruga e industrializimit të Kinës, zhvillimi i industrisë së automjeteve kineze, tregu kinez i telekomunikacionit të celularëve etj u bënë pikat kryesore të kujdesit të këtij forumi. Zhvillimi i shpejtë i ekonomisë kineze jo vetëm i ka krijuar vetes lulëzimin dhe përparim, por edhe i solli botës më shumë raste.

Tregtari më i madh i shitjes filiale me pakicë në botë, drejtori i përgjithshëm i Drejtorisë Ndërkombëtare të Shoqërisë Amerikane Wall-mart John B Menzer tha se para 9 vjetëve, ne kemi krijuar dyqanin e parë të shitjes me pakicë në Kinë. Deri tani, numri i punonjësve të Wall-martit në Kinë arriti në 25 mijë veta, edhe drejtorët e përgjithshëm të 46 dyqaneve të shitjes me pakicë janë kinezë. Tregu kinez i shitjes me pakicë është zhvilluar shumë shpejt sot. Sivjet, ne kemi planifikuar të krijomë edhe 12-15 dyqane të reja.

Në krahasim me Wall-martin, shumë shoqëri shumëkombëshe, që morën pjesë në këtë forum, kanë një histori të bashkëpunimit shumëvjeçar me Kinën. Zhvillimi i Kinës nuk ndahet nga bota, por zhvillimi i botës edhe ka nevojë për Kinën.

Në syrin e drejtuesve të qarqeve tregtare globale, Kina po bëhet një nga tregjet më të mëdha më tërheqëse. Pa dyshim, Kina është bërë vendi më i madh i konsumit të televizorëve me ngjyra dhe frigoriferëve në botë dhe vendi i 3-të i konsumit të automjeteve në botë, si dhe vendi më i madh i përdoruesve të celularëve. Ajo do të ndërtojë rrjetin më të madh të telefonisë në botë, rrjetin e telekomunikacionit të celularëve etj. Tani, roli i ekonomisë kineze për nxitjen e zhvillimit të ekonomisë botërore është i dukshëm. Në këtë forum, ministri kinez i tregtisë, Bo Xilai tha se Kina ka luajtur nga dita në ditë rolin e nxitësit të rëndësishëm në rritjen e ekonomisë botërore. P.sh, vitin e kaluar, GDP-ja e Kinës zuri 4% të botës, duke dhënë 10% të kontributit për rritjen e ekonomisë botërore. Kjo shifër ka zënë 6% të vëllimit të tregtisë së jashtme, duke dhënë 12% të kontributit për rritjen e tregtisë botërore.

Si një vend i madh i konsumit në botë, ngritja e përditshme e aftësisë së konsumit të Kinës ka nxitur fort ekonominë botërore. Nga të dhënat e Ministrisë Kineze të Tregtisë del se vitin e kaluar vëllimi i përgjithshëm i importit vjetor të Kinës u shtua në 560 miliardë dollarë amerikanë nga 10 miliardë dollarë amerikanë të vitit 1978. Importi kinez me një rritje të shpejtë u ka dhënë vendeve të ndryshme të botës një treg të gjerë.

Ministri kinez i tregtisë Bo Xilai tha se nga viti 1990 deri në vitin 2004, investuesit e huaj përfituan 250 miliardë dollarësh amerikanë nga Kina. Nga 280 mijë ndërmarrje me investime të huaja, dy të tretat kanë fitime, fitimet e 50% të shoqërive amerikane në Kinë kaluan përqindjen e fitimeve të tyre.

Për të konsoliduar besimin e drejtuesve të shoqërive shumëkombëshe për ekonominë kineze, kryetari i shtetit i Kinës Hu Jintao shtjelloi edhe politikën e ardhshme kryesore për zhvillimin ekonomik në ceremoninë e hapjes të këtij forumi dhe premtoi se do të zgjerohet hapja e jashtme, për të mbrojtur interesat e tregtarëve të huaj në Kinë. (Sihai)