Në 15 vjetët e ardhshëm sasia mesatare e konsumit të energjetikës dhe sasia e përgjithshme e konsumit të Kinës do shtohen më tej. Sipas parashikimit, në vitin 2020 kërkesat e energjetikës të vendit tonë do të arrijnë në 2 miliard e 500 milionë deri 3 miliardë e 300 milionë tonë qymyrguri standard. Zoti Mao tha se në rast se zbatohet një strategji e drejtë energjetike, kërkesa e energjetikës e vendit tonë do të mund të ruhet në një rritje jo të madhe dhe kjo do të thotë se Kina do të shfrytëzojë më pak energjetikë në përkrahje të zhvillimit të vazhdueshëm të ekonomisë.

Sipas të dhënave, Kina ka burime të pasura të qymyrgurit, por zbulimi i këtyre burimeve nuk mund të plotësojë kërkesat e ndërtimit të minierave në një periudhë të përafërt. Krahas kësaj, 86% e rezervave të qymyrgurit që nuk janë shfrytëzuar akoma, janë shpërndarë në zonat e thata, kryesisht në rajonet qendrore dhe perëndimore të Kinës, domethënë larg qyteteve të konsumit dhe vështirësitë e transportit dhe të shfrytëzimit janë të mëdha. Kjo tregon se në një periudhë të ardhshme kontradikta midis furnizimit dhe ofertës energjetike do të jetë e ashpër.

Zoti Mao tha se puna e kursimit të energjisë në fushat e ndërtimit dhe të transportit të Kinës është e dobët. Sasia e energjisë që përdoret në fushën e ndërtimit përbën 35% të sasisë së përgjithshme të konsumit të të gjithë vendit. Por 99% e ndërtesave nuk janë të tipit të kursimit. Edhe konsumi i energjisë në transport është i lartë. Sipas nivelit të tanishëm të konsumit, deri në vitin 2020, sasia e konsumit të benzinës do të arrijë në 176 milionë tonë.

Krahas kësaj, sasia e gazrave të përdorur, të nxjerrë në ajër, e ka kaluar sasinë e lejuar të mjedisit, duke ushtruar presion të madh mbi zhvillimin e vazhdueshëm të ekonomisë. Tani, ndër strukturat e konsumit energjetik të vendit tonë, qymyrguri zë 67%. Konsumi energjetik mbështetet më tepërt tek qymyrguri, duke shkaktuar ndotje serioze ekologjike dhe të mjedisit.

Për të përballuar sfidën serioze të zhvillimit energjetik, duhet të këmbëngulim në kursimin energjetik dhe me pak konsum energjetik të krijojmë më shumë pasuri materiale. Kjo është një nga përmbajtjet kryesore të ndryshimit të formës së rritjes ekonomike të vendit tonë. Krahas kësaj, duhet të aplikojmë në fushën e ndërtimit teknologjitë dhe materialet e ndërtimit të tipit të kursimit dhe të shpejtojnë shfrytëzimin e burimeve të reja energjetike dhe të burimeve të rigjeneruara.

Krahas këtyre, duhet të bëjmë përpjekje të mëdha për forcimin e administrimit të mjedisit. Gjatë shfrytëzimit energjetik, parimi i mbrojtjes së mjedisit duhet të vihet në plan të parë, të pakësohet dhe të shmanget ndotja e mjedisit. Sipas kërkesave të mbrojtjes së mjedisit të planifikohen objektet e ndërtimit dhe të forcohet kontrolli i mjedisit. ( zhang )