Organizatat e niveleve të ndryshme të bashkimeve profesionale të Kinës kanë filluar punën për përmirësimin e kushteve të jetesës së punonjësve në vështirësi ekonomike. Përgjegjësi përkatës i Feteratës Pankineze të Bashkimeve Profesionale, z. Dongli tha se organizatat e bashkimeve profesionale të Kinës do të investojnë 35 milionë juanë për punonjësit në vështirësi ekonomike gjatë festës së pranverës-festë kjo tradicionale kineze. Ai tha, gjithashtu, se duke zgjidhur problemet e prodhimit dhe jetës të këtyre punonjësve, organizatat e bashkimeve profesionale do të përpiqen të krijojnë një sistem për ndihmën e tyre.

Qysh nga vitet e 90-të të shekullit të kaluar, gjatë procesit të reformës së sistemit ekonomik të Kinës, disa punonjës dolën nga puna dhe si rjedhim, jeta e tyre ka hyrë në një gjendje të vështirë, sëmundjet e disa punonjësve u kanë sjellë familjeve të tyre në vështirësi ekonomike. Gjatë viteve të fundit, organizatat e niveleve të ndryshme të bashkimeve profesionale të Kinës kanë marrë masa të shumëllojshme për përmirësimin e kushteteve të jetës së punonjësve që kanë vështirësi ekonomike.

Në prag të festave të rëndësishme tradicionale të Kinës, përgjegjësit e organizatave të niveleve të ndryshme të bashkimeve profesionale do të gëzojnë këta punonjës, duke u shpërndarë atyre disa para dhe sende të përdorimit të përditshëm, për të zgjidhur përkëhësisht vështirësinë ekonomike në jetën e tyre. Përgjegjësi, z. Dongli tha se sivjet, organizatat e bashkimeve profesionale të Kinës kanë shtuar investimet e fondeve për ta.

Gjatë 10 vjetëve të kaluar, fondet e investuara nga organizatat e niveleve të ndryshme të bashkimeve profesionale në përmirësimin e kushteteve të jetës së punonjësve në varfëri ekonomike arritën në 18 miliardë juanë, duke i shpërndarë në mbi 55 milionë familje të këtyre punonjësve.

Përveç dhurimeve gjatë festave tradicionale për këta punonjës, organizatat e bashkimeve profesionale të Kinës e kanë vënë zgjidhjen e ripunësimit të personave, që dolën nga puna, në vend të parë, duke krijuar kursin e përgatitjes profesionale për ripunësimin e tyre. Përveç këtyre, organizatat e bashkimeve profesionale u kanë dhënë personave të dalë nga puna, kredi, për të krijuar kushtet e favorshme të ripunësimit. Siç mësohet, në vitin 2004, si rezultat i përgatitjes, 30 mijë njerëz kanë fituar përsëri vendin e punës.

Organizatat e niveleve të ndryshme të bashkimeve profesionale të Kinës, duke u nisur nga gjendja konkrete e familjeve të punonjësve në vështirësi ekonomike, kanë marrë masa të ndryshme për përmirësimin e kushteve të jetës së këtyre punonjësve.

Para dy viteve, familja e zotit Wang është bërë një familje përfituese e ndihmës nga qendra e ndihmës shpëtimtore për punonjësit në vështirësi ekonomike, të krijuar nga Feterata e Bashkimeve Profesionale të Qytetit Tienjing. Vitin e kaluar, familja e tij ka marrë një ndihmë të organizatës lokale të bashkimeve profesionale prej mbi 1000 juanësh. Ai i tha gazetarit se ai është shumë mirënjohës. Zoti Dongli tha se në vitin 2005, Feterata Pankineze e Bashkimeve Profesionale do të përpiqet për krijimin e sistemit të ndihmës, për të zgjidhur me të vërtetë vështirësinë e punonjësve të varfër ekonomikisht. (Sihai)