Në gjuhën latine, "Laureus" ka kuptim "dafinë e lavdisë", që simbolizon fitoren në sport. Çmimet botërore të Sportit "Laureus" janë çmimi sportiv më me autoritet në botë dhe ato quhen si "Oskarë të qarqeve sportive". Këto çmime shpërndahen për sportistë dhe ekipe sportive që kanë arritur suksese kolosale në fushën sportive gjatë vitit të kaluar. Çmimet përfshijnë ato për sportistin më të dalluar, për sportisten më të dalluar, për ekipin më të dalluar dhe për të riun më të dalluar.

Gjatë vitit 2004, atleti i Kinës Liu Xiang ka tërhequr vëmendjen e të gjithë botës për shfaqjet e shkëlqyeshme. Veçanërisht në Lojërat Olimpike, i riu Liu Xiang theu sundimin e sportistëve evropianë e amerikanë në vrapimin 110 metra me pengesa, duke u shpallur kampion me rezultatin 12"91, që arriti rekordin botëror. Shfaqja e Liu Xiangut habiti gjithë botën. Pra, në vlerësimin e çmimeve "Laureus" të këtij viti, Liu xiang fitoi çmimin për të riun më të shquar, me shpresë të shumë njerëzve, duke mundur shumë sportistë të tjera të rinjë dhe të mirë, si tenisten ruse Kuznezova, boksierin anglez Emil Kahan, notaren franceze Laurie, etj.

Në fakt, Liu Xiang është sportisti i dytë kinez që e ka fituar këtë çmim. Në vitin 2003, basketbollisti i njohur kinez Yao Ming e fitoi këtë çmim për sportistët e rinj. Pas fitimit të çmimit, Liu Xiang tha se e konsideron Yao Mingun si simbol i tij për përparim.

Kryetari i Shoqatës atletike të Kinës, z. Liu Chaoyi tha se fitimi nga Liu Xiangu i këtij çmimi, duke mundur shumë sportistë të rinj të fuqishëm, tregon se potenciali dhe rezultati i tij kanë arritur në një nivel tepër të lartë. Ai beson se Liu Xiang do të ketë perspektivë më të bukur në karierin sportiv. Ai tha:

"Për Liu Xiangun përsonalisht, ky çmim ka rëndësi të madhe, sepse ai përfaqëson vlerësimin e qarqeve ndërkombëtare për të. Tani Liu Xiang është në gjendje të mirë dhe vazhdon të stërvitet me zell. Më e rëndësishmja është që ai ka ruajtur gjakftohtësi në përpara lavdisë, dhe mendon se ai është një sportist me perspektivë. Besoj se, të paktën para vitit 2008, ai do të vazhdojë të jetë një nga sportistët atletë më të fuqishëm të qarqeve sportive kineze dhe ka mundësi të fitojë medalje ari në Lojërat Olimpike."

Megjithëse i rrethuar nga lavdi të ndryshme, Liu Xiangu nuk e ka humbur drejtimin e përpjekjeve. Ai tha se sivjet dëshira e parë e tij është të shpallet kampion i vrapimit në100 metra me pengesa në Kampionatin Botëror të Atletikës në mjedis të hapur, që do të organizohet në gusht, në Filandë. Fitimi i çmimit "Laureus" do ta nxitë atë të synojë objektiva më të larta. Ai tha:

"Në fakt kam fituar vetëm medaljen e artë olimpike. Në shumë gara të rëndësishme botërore, si Kampionatin botëror në mjedis të hapur dhe në mdjedis të mbyllur, Kupën e Botës, etj., nuk kanë arritur të shpallem kampion. Shpresoj se në garat e ardhshme, do të fitoj sa më shumë medalje ari dhe do ta bëj veprimtarinë time sportive më të shkëlqyer." (Wang Lei)