Disa kohë më parë, fshatari U Gjun Zhang, që jeton në periferi të qytetit Gongzhuling të provincës Gjilin, u plagos rëndë në një aksident. Shyqyr që në provincën e tyre ka filluar prova e zbatimit të sistemi të ri të mjekimit të kooperimit, ku merr pjesë edhe familja e tij. Gruaja e tij, Qiu Yazhen tha se përndryshe, shpenzimet e larta të mjekimit do të çonin familjen e tyre në një gjendje shumë të vështirë.

"Nuk më shkonte ndër mend se sistemi i mjekimit të kooperimit na dha leverdi kaq shpejt. Burri im u plagos keq në qafë. Fondi i mjekimit të kooperimit na dha një subvencion prej 3000 juanësh. Përndryshe, ne nuk ishim në gjendje të paguanim shpenzimet e mjekimit të tij."

Sot në provincën Gjilin, gjithnjë e më shumë fshatarë si U Gjun Zhang marrin leverdi nga pjesëmarrja në sistemin e ri të mjekimit të kooperimit. Praktika konkrete e këtij sistemi të ri është: çdo fshatar, që merr pjesë me dëshirën e vet në këtë sistem mjekimi, paguan në vit 10 juanë dhe qeveria jep në vit 20 juanë të tjerë për çdo pjesëmarrës. Këto para depozitohen me llogari specifike në bankë, si fond i mjekimit të kooperimit. Kur sëmuren fshatarët, që marrin pjesë në këtë sistem, mjekohen në spitalet e caktuara dhe pastaj, duke i treguar llogaritarit Fletën e Mjekimit dhe faturat ose dëftesat e pagesës dhe marrin sipas përqindjes së caktuar disa të holla për shpenzimet e mjekimit.

Në krahinat, ku bëhet prova e zbatimit të sistemit të ri të mjekimit të kooperimit, zgjedhen me kujdes spitalet e caktuara, me qëllim që fshatarët të gëzojnë shërbime me cilësi të lartë mjeksore. Drejtori i drejtorisë së shëndetësisë të qytetit Gongzhuling, zoti Li Siaoçun tha:

"Drejtoria jonë ka zgjedhur 8 spitale të qytetit tonë, që kanë kushte të mira dhe nivel të lartë teknik, dhe 22 qendra sanitare të lokaliteteve si njësi të caktuara të sistemit të ri të mjekimit të kooperimit. Kërkojmë që këto qendra sanitare të vendosin edhe stacionet e tyre në fshatrat e largët dhe të dërgojnë dy herë në javë mjekë për t'u shërbyer fshtarëve."

Korrespondenti ynë mësoi se, për të garantuar përdorimin e fondeve të mjekimit të kooperimit për shëndetësinë e fshatarëve, administrata e qytetit Gongzhuling ka formuar Komisionin e Mbikëqyrjes dhe Administrimit, të përbërë nga përgjegjësit pësrkatës të sektorëve të kontrollit disiplinor, të revizionimit dhe të financave, i cili kontrollojnë në kohë të caktur gjendjen e përdorimit të fondeve të mjekimit. Për të shtuar tejdukshmërinë e punës financiare, administrata e këtij qyteti ka vendosur në njësitë mjeksore tabela njoftimi, që të publikohen në kohë gjendja e përdorimit të fondeve të miekimit. Sot 80% i fshatarëve në periferi të qytetit Gongzhuling marrin pjesë në këtë sistem mjekimi.

Qyteti Gjiutai është një qytet tjetër ku provinca Gjilin bën provën e sistemit të ri të mjekimit të kooperimit. Fshatarët në periferi të këtij qyteti, gjithashtu, tregojnë iniciativë të madhe për të marrë pjesë në këtë sistem mjekimi. Disa kohë më parë, fshatari Vang Zhong Liang vuante nga sëmundja e stomakut dhe u shtrua në spital. Pasi u shërua dhe doli nga spitali, mori një subvencion prej 400 juanësh për shpenzimet e mjekimit. Lidhur me këtë, ai tha i gëzuar:

"Ky sistem i ri i mjekimit është një punë e mirë që bëri qeveria. Është mirë që zbatohet ky sistem, sepse ndihmoi ne fshatarët. Ne fshatarët e kemi shumë të vështirë, kur sëmuremi. Kësaj here, 400 juanët më shpëtoi mua."

Qyteti Gjutai i provincës Gjilin ka 600 mijë fshatarë në distriktet e periferisë. Sot, 85% i këtyre fshatarëve marrin pjesë në sistemin e ri të mjekimit të kooperimit. Përgjegjësja e zyrës së mjekimit të kooperimit të këtij qyteti, zonja Gjang Enqin tha:

"Është shtuar dukshëm numri i pacientëve që vijnë për mjekim në spital. Vitin e kaluar, numri i tyre u shtua një e treta në krahasim me vitin 2003. Më parë, për shkak ekonomik, disa fshatarë nuk vinin për mjekim në spital, kur ishin të sëmurë. Sot, kjo gjendje ka ndryshuar, sepse ata mund të marrin disa subvencion, po të marrin pjesë në sistemin e mjekimit të kooperimit."

Sot në provincën Gjilin, 2 milionë fshatarë marrin pjesë në sistemin e ri të mjekimit të kooperimit. Fondi i mjekimit të kooperimit u ka dhënë fshatarëve 21 milionë juanë si subvencion për shpenzimet e mjekimit, duke lehtësuar barrën e fshatarëve për shpenzimet emjekimit.(Zheng)