Komiteti Ndërkombëtar Paralimpik ka parashtruar synime më të gjera si strategji afatgjatë:

1. Të garantojë organizimin me sukses të Lojërave Paralimpike

Të garantojë zhvillimin e mëtejshëm të Lojërave Paralimpike nëpërmjet nxitjes së zhvillimit të anëtarëve të Komitetit Ndërkombëtar Paralimpik dhe të komiteteve paralimpike të vendeve të ndryshme. Të krijojë rastë dhe të organizojë gara të ndryshme për lojtarë të niveleve të ndryshme, për të krijuar një bazë të fortë për Lojërat Paralimpike të nivelit të lartë.

2. Në organizata të ndryshme në varësi të komitetit, të krijojë më shumë rastë për lojtaret e niveleve të ndryshme dhe lojtarët me dëmtime të rënda.

3. Të përkrahë dhe të inkurajojë aktivitetet arsimore, kulturore dhe shkencore për popullarizimin dhe zhvillimin e Lojërave Paralimpike.

4. Të përpiqet të përhapë Lojërat Paralimpike në mbarë botën nëpërmjet mediave të vendeve të ndryshme.

5. Të zhvillojë sportet e ndryshme të Lojërave Paralimpike në sporte të pavarura, duke i shndërruar federatat përkatëse paralimpike në organizata të pavarura sportive. Edhe statusi i sporteve të ndryshme është ruajtur gjithmonë nga Komiteti Ndërkombëtar Paralimpik.

6. Të sigurojë shpirtin "Fair Play" në të gjitha garat sportive dhe të ndalojë dhunën e llojeve të ndryshme, duke e kontrolluar rreziqet ndaj lojtarëve, që mund të lindë gjatë procesit të garave.

7. Të zhvillojë sportet paralimpike, duke mënjanuar diskriminimin racial, politik, fetar, ekonomik, etj.

8. Të bashkëpunojë me Organizatën Botërore Kundër Drogës dhe të krijojë një mjedis sportiv pa drogë për të gjithë lojtarët.

9. Të krijohen rruga të ndryshme për të garantuar zhvillimin e Lojërave Paralimpike.

Me një fjalë, detyra e Komitetit Ndërkombëtar Paralimpik është të realizojë përparime të mëdha të komitetit dhe të sporteve paralimpike për të fituar në të ardhmen më shumë lojtarë të shkëlqyeshëm, vlerësim të lartë në tërë botën, më shumë buxhet dhe organizim në mënyrë më të vlefshme.

Stema paralimpike

Stema e Komitetit Ndërkombëtar Paralimpik ishte Tai-Geuk, një lloj kafshe e veçantë nga Koreja e Jugut. Në vitin 1988, kur u organizuan në Seul të Koresë së Jugut Lojërat Paralimpike, komiteti organizativ i Koresë së Jugut përcaktoi stemën e Lojërave Paralimpike të atij viti me 5 Tai-Geuk me 5 ngjyra të njeta me ato të 5 unazave olimpike. Dhe më pas, Komiteti i atëhershëm Ndërkombëtar Paralimpik ose komiteti koordinues i sportit për njerëzit me të meta fizike e përcaktoi këtë stemë të veçantë si stemë të Komitetit Ndërkombëtar Paralimpik dhe në atë kohë kjo stemë u konsiderua si simboli i përbashkët i organizimit të lojërave të ndryshme paralimpike në të gjithë botën. Në vitin 1989, u formua zyrtarisht Komiteti Ndërkombëtar Paralimpik dhe komiteti vazhdoi përdorimin e kësaj steme si stemë të tij deri në vitin 1991, kur Komiteti Ndërkombëtar Olimpik i bëri të njohur Komitetit Ndërkombëtar Paralimpik se ai duhet ta rishqyrtojë këtë stemë nëse do ta përdorë në reklamat tregtare, përndryshe Komiteti Ndërkombëtar Olimpik nuk do t'i japë më Komitetit Ndërkombëtar Paralimpik ndihma financiare. Departamenti i zhvillimit të tregut i Komitetit Ndërkombëtar Olimpik ishte i mendimit se stema e komitetit ndërkombëtar paralimpik ishte e ngjashme me atë të Komitetit Ndërkombëtar Olimpik, prandaj kjo stemë duhej ndryshuar për të shmangur problemet në fushën ekonomike. (Jiang Lei)