Gazetari mësoi nga mbledhja për mbrojtjen e lumit amë, e mbajtur kohët e fundit, se në veprën e sistemit kompleks për mbrojtjen e lumit amë, 17 objekte të saj janë realizuar me sukses, duke prekur 12 provinca. Sipërfaqja e përgjithshme e kësaj vepre arriti në afro 15 mijë hektarë. Sektorët e ekonomisë ujore të Zunanit dhe të krahinave të tjera organizuan edhe këtë aktivitet për mbrojtjen e lumit amë.

Deri në vitin 1998, fondet e posaçme qendrore për zhdukjen e erozionit arritën në 10 miliardë e 200 milionë juanë.

Vitet e fundit, Ministria e Ekonomisë Ujore ka zbatuar seriozisht kursin qendror për punën e mbrojtjes së mjedisit ekologjik kundër erozionit dhe ka zhvilluar me forca shumë të mëdha ndërtimin e mbrojtjes së mjedisit ekologjik kundër erozionit, duke dhënë përkrahje të fortë për mbrojtjen e lumit amë. Si rezultat i saj, sasia e prodhimit të drithërave dhe të ardhurat e masave popullore janë shtuar në mënyrë të qendrueshme, kushtet e prodhimit të bujqësisë, mjedisi ekologjik dhe niveli i jetesës së masave popullore janë përmirësuar më tej.

Qysh nga viti 1989, Ministria e Ekonomisë Ujore e konsideroi sistemimin e erozionit të zonës së rezervuarit Sanxia si puna më të rëndësishme të mbarë vendit për zhdukjen e erozionit. Deri në fund të vitit të kaluar, puna kryesore e parandalimit të erozionit në zonën e rezervuarit Sanxia ka patur rezultate të dukshme.

Realizimi i veprave të mbrojtjes kundër erozionit jo vetëm ka pakësuar llumrat e zonës së rezervuarit Sanxia, por edhe ka përmirësuar në mënyrë të dukshme kushtet e prodhimit dhe të jetës të masave të gjera popullore, duke krijuar kushte të mira për të shpërngulurit e veprës Sanxia.

Ndërtimi i këtyre objekteve ka patur efektivitetin e mirë, ka luajtur rol shembullor në ndërtimin ekologjik të mbarë vendit, i ka shërbyer fort ndërtimit shtetëror të mjedisit ekologjik dhe ka krijuar kushte të favorshme për përmirësimin e ekologjisë së lumit amë. (Sihai)