dëgjoni

Agjensia Kineze e Lajmeve Hsinhua njoftoi ditët e fundit, se duke hyrë në shekullin e ri tregu farmaceutik i Kinës ndodhet gjithmonë në ndryshim të madh dhe sektorët farmaceutikë kanë shpejtuar hapat e zhvillimit dhe sot kanë hyrë në periudhën e konkurencës së gjithanshme.

Këto i tha nënkryetari i Shoqatës së Tregtisë Farmaceutike të Kinës, zoti Zhu, në një mbledhje kombëtare farmaceutike, të mbajtur, ditët e fundit në qytetin Uhan të Kinës.

Gjatë mbledhjes, zoti Zhu shprehu mendimin e tij se mjedisi ekonomik ndërkombëtar, politika e shtetit dhe konkurenca e tregut e kanë futur tregun farmaceutik të Kinës në fazën e konkurencës së gjithanshme. Viti 2004 ishte viti i fundit i periudhës kalimtare trevjeçare pas pranimit të Kinës në Organizatën Botërore të Tregtisë. Më ll dhjetor 2004 u hap në mënyrë të gjithanshme tregu farmaceutik i Kinës dhe sektorët farmaceutikë të Kinës e kanë kaluar normalisht këtë periudhë kalimtare trevjeçare. Gjatë këtyre tre vjetëve, sektorët farmaceutikë të Kinës kanë shpejtuar rregullimin kanë ngritur aftësinë e tyre konkuruese në treg dhe janë përgatitur për përballimin e sfidave të ndryshme. Në këto rrethana tregu farmaceutik i Kinës është në përgjithësi i qëndrueshëm. Treguesit e tij janë: industria farmaceutike është zhvilluar me ritme të shpejta, shitja e ilaçeve në treg është gjallëruar më tej, eksport-importi i ilaçeve është shtuar. Tendenca e përgjithshme e zhvillimit të sektorëve farmaceutikë është e mirë.

Sipas të dhënave, deri në fund të vitit 2004, ndër 5071 ndërmarrje farmaceutike, që ka në mbarë vendin, 3731 prej tyre kanë kaluar verifikimin e GMP-s, duke përbërë 74% të numrit të përgjithshëm të këtyre ndërmarrjeve. Ndërsa 1340 ndërmarrje të tjera që nuk e kanë kaluar këtë verifikim, kanë ndërprerë plotësisht prodhimin. 91% e ndërmarrjeve që merren me shitjen me shumicë të ilaçeve në mbarë vendin, kanë kaluar verifikimin e GSP-së. Edhe 86,8% të ndërmarrjeve të shitjes me pakicë të ilaçeve kanë kaluar verifikimin e GSP-s.

Zoti Zhu tha se rigrupimi i kompanisë farmaceutike është bërë një prirje e përgjithshme dhe është shpejtuar procesi i këtij rigrupimi si dhe janë krijuar disa ndërmarrje të mëdha ndër-rajonale. Konkurrenca në potencial është bërë treguesi kryesor i konkurencës së gjithanshme midis ndërmarrjeve farmaceutike. Krahas kësaj, rregullimi i burimeve farmaceutike është bërë temë kryesore për zhvillimin e tregut farmaceutik dhe tregu farmaceutik ka hyrë në periudhën e përfitimeve të vogla. Tani, rregullimi i burimeve dhe shfrytëzimi i mirë i kanaleve është bërë objektiv i zhvillimit të ndërmarrjeve, ulja e kostos dhe krijimi i partneritetit të prodhimit, të furnizimit dhe të bashkëpunimit strategjik mjeksor janë bërë punë kryesore e ndërmarrjeve. Struktura shumëshkallëshe e konsumit të tregut farmaceutik do të nxitë shpejtimin e rregullimit të strukturës së produkteve farmaceutike. ( zhang )