Gazetari i Agjencisë Hsinhua mësoi nga Shoqata Kineze e Bejzbollit se më 22 maj në Japoni, përfundoi Kampionati Aziatik i Bejzbollit i vitit 2005. Në ndeshjen e tij të fundit, ekipi kinez fitoi ndaj ekipit Jugkorean me rezultatin 4-3, duke u radhitur për herë të parë në vendin e 3-të të kampionatit të kësaj loje. Kështu, ekipi kinez u kualifiua për në Kupën Botërore të Bejzbollit. Ky është rezultati më i mirë i ekipit kinez të bejzbollit.

Gjatë ndeshjeve grupore, ekipi kinez fitoi me ekipin filipinas me rezultatin 22-0 dhe humbi ndeshjen me ekipin japonez me rezultatin 2-11 duke hyrë në fazën e dytë si i dyti i grupit. Më 22 maj, në ndeshjen kundër ekipit të Koresë së Jugut për vendin e 3-të të kampionatit, paraqitja e mrekullueshme e lojëtarëve kinezë e ndihmoi ekipin kinez të radhitet në vendin e 3-të të kampionatit. Para këtij kampionati, rezultati më i mirë i ekipit kinez ishte radhitja në vendin e 4-të në kampionatin Aziatik.

Në këtë kampionat, morën pjesë gjithsej 6 ekipe të bejzbollit. Sipas rregullave, 4 ekipe që radhiten në vendet e para do të kualifikohen në Kupën Botërore të Bejzbollit. (Jiang Lei)