Agjencia kineze Zhongxin njoftoi se duke filluar nga l9 maji, 24 shkrimtarë të njohur të l6 vendeve si të Gjermanisë, Francës, Rusisë, SHBA-së, Japonisë, Greqisë etj shkuan për vizitë ll ditore në provincën Zhejiang të Kinës lindore.

Më l9 maj në mbrëmje, anëtari i Komitetit të Përhershëm të Komitetit të Partisë Komuniste të Kinës të provincës dhe drejtori i drejtorisë propagandistike të provincës Zhejiang Chen Miner u takua me këta shkrimtarë. Gjatë takimit ai shprehu dëshirën që me anën e kësaj vizite, shkrimtarët e vendeve të ndryshme t'i prezantojnë botës nëpërmjet veprave të tyre letrare provincën Zhejiang që është në zhvillim dhe në ndryshimin e vazhdueshëm.

Sic mësohet, provinca Zhejiang është një provincë me histori të lashtë dhe me kulturë të zhvilluar. Numri i shkrimtarëve të shënuar në histori me prejardhje nga provinca Zhejiang është më shumë se një mijë që përbëjnë l/6 të numrit të përgjithshëm të shkrimtarëve mbarë Kinës. Baza e fortë kulturore i ka hedhur rrënjë të shëndoshë zhvillimit të shoqërisë ekonomike të kësaj province.

Provinca Zhejiang është njëkohësisht një province bregdetare me rritjen më të shpejtë ekonomike dhe me më shumë gjallëri. Gjatë hapjes dhe reformës më se 20 vjeçare, ekonomia e provincës Zhejang është rritur mesatarisht l3% në vit dhe trguesit kryesorë ekonomikë janë në rradhët e parë të vendit.

Letërsia e provincës Zhejiang ka qenë gjithmonë një pjesë e rëndësishme përbërëse të letërsisë së ndritur kineze. Në mesazhin e urimit, sekretari i Komitetit të PK të Kinës të provincës Zhejiang Xi Jinping tha se kjo vizitë e shkrimtarëve të huaj në provincën Zhejiang do të zgjerojë shkëmbimet e qarqeve të letërsisë kineze me qarqet e letërsisë botërore dhe do të nxitë zhvillimin e krijimtarisë letrare të provincës Zhejiang.

Shkrimtarja e njohur ruse Vasilianka tha se "Qysh në fëmijëri, unë i kam lexuar poezitë kineze dhe kam luajtur me lodrat kineze. Kur unë dilja me veshjen karakteristike kineze Qipao prej mendafshi të provincës Zhejiang, njerëzit më quanin vajza kineze. Kësaj herë pata nderin dhe fatin e mirë për ta parë nga afër Kinën "

Gjatë vizitës ll ditore, shkrimtarët kinezë dhe të huaj do të shëtisin në pikat turistike në liqenin Xihu, në bazën e industrisë së filmave televizive Hëdian etj dhe do të shpërendahen në tre grupe sipas interesit të tyre në zona të ndryshme të kësaj province. (zhai)