dëgjoni

Muzika që po dëgjoni është nga mbrëmja artistike me këngë e valle "Mrekullitë e stileve nacionale" të organizuar në ceremoninë e hapjes së festivalit "Takimet në Pekin ". Artistët e Ansamblit të kën

gëve dhe valleve të Kinës me një forcë të madhe tërheqëse artistike si në të dëgjuar edhe në të shikuar, u paraqitën spektatorëve pjesë të zgjedhura të këngëve dhe valleve të kombësive të ndryshme dhe të periudhave të ndryshme gjatë gjysmës së shekullit të kaluar. Shfaqjet e tyre të larmishme u pritën me duartrokitje të stuhishme nga spektatorët e pranishëm.

Festivali i aktiviteteve " Takimet në Pekin " është organizuar me sukses për 4 edicione pas vitit 2000 dhe ka tërhequr miliona spektatorë. Si festivali artistik më madhështor në Kinë dhe në Azi, ky festival është bërë një markë artistike me ndikim dhe i njohur nga qarqet artistike brenda e jashtë vendit.

Drejtori i përgjithshëm i shoqërisë së grupit kulturor të Kinës me botën e jashtme Zhang Yu që përgjigjet për organizimin e këtij festivali tha:" Festivali i sivjetëm 'Takimet në Pekin' është gjithanshtu një festival me përmbajtje shumë të pasur, por ai ka edhe përmbajtje të reja ".

Në aktivitetet e sivjetme po vihet re një dukuri: shumëllojëshmëria kulturore, e artit dhe e rajoneve. Në këtë festival, që do të zgjatë 30 ditë do të japin shfaqje trupa simfonike e Finlandës, trupa e cirkut e Japonisë, trupa e këngëve dhe e valleve të Kongos, trupa amerikane e muzikës rrok dhe trupa ruse e muzikës zbavitëse.

Përveç këtyre, në Kinë po organizohen njëkohësisht edhe aktivitetet e vitit kulturor francez. Sivjet është edhe 30 vjetori i vendosjes së marrëdhënieve midis Kinës dhe Bashkimit Evropian, prandaj trupat artistike të ardhura nga vendet e Evropës tërheqin më shumë vëmendjen e spektatorëve. Trupa shtetërore simfonike e Danimarkës do të japë shfaqje në ceremoninë e mbylljes, trupa e baletit të Francës do të shfaqë baletin modern të përpunuar në bazë të veprës së njohur të Sheskpirit " Romeo dhe Zhulieta". Edhe trupat artistike të ardhura nga Belgjika, Filanda, Gjermania dhe Norvegjia do të japin gjithashtu shfaqje të mrekullueshme.

Aktivitetet e "Takimeve në Pekin" përbëhen nga shfaqje në teatre, takime në shesh dhe ekspozita artistike. Në ditët e festës së l majit, ditë ndërkombëtare e punonjesve, artistët e vendeve të ndryshme dhanë shfaqje të larmishme për qytetarët pekinas dhe turistë të ardhur nga krahinat e ndryshme të Kinës. Ndër ta janë artistët e l5 trupave artistike të ardhur nga SHBA-ja, Danimarka, Zelanda e Re, Suedia, Rusia, Kuba, Polonia etj, të cilët me mjeshtrinë e tyre artistike pritën me ngrohtësi vizitorët e parqeve.

Artistët e orkestrës së femrave St. Mary të Zelandës së Re interpretuan një melodi mikpritëse. Në një intervistë me gazetarët, kryetarja e kësaj orkestre Patriva Qoddard tha :

"Ky festival artistik ka shtuar miqësinë midis të gjithëve, veçanërisht të rinjve. Kinezët janë shumë mikëpritës".

"Dallgët e reja - Ekspozita e artit bashkëkohor francez, e ardhur nga Qendra Pompidou" është një ekspozitë tërheqëse në aktivitetet e " Takimeve në Pekin ". " Dallgët e reja " ishin një lëvizje kinematografike e zhvilluar në vitet 60-të të shekullit të kaluar që përfaqësonin rininë, gjallërinë, natyrshmërinë dhe realitetin, njëkohësisht edhe krijimet e kërkimet si dhe prirjet artistike.

Projektuesja e kësaj ekspozite Kamille Morineau tha se eksponentet artistike të ekspozuara kësaj here në Kinë përfaqësojnë thelbin e artit bashkëkohor francez, ato janë të zgjedhura me kujdes.

Ajo tha : "Unë kam bërë shumë herë turizëm në Kinë. Jam e bindur se kjo ekspozitë do t'i tërheqë artistët kinezë. Jam e bindur se gjatë vizitës në këtë ekspozitë, vizitorët kinezë do të kënaqen dhe do të shohin shumë të reja. "

Dëgjues të dashur, gjatë zhvillimit të aktiviteteve të Festivalit të 5-të artistik " Takimet në Pekin ", vizitorët kinezë do të kënaqen me shumëllojëshmërinë e kulturave të vendeve të ndryshme, do të kënaqen me kulturën klasike dhe parapëlqyer, tradicionale dhe moderne, me stilet e lira latino-amerikane dhe me meloditë ritmike të Atlantikut si dhe me ritmet bashkëkohore të Amerikës Veriore.(zhai)