Man Wenjun është një këngëtar i njohur në qarqet e muzikës pop të Kinës. Ai ka zë të fortë kumbues. Pak kohë më parë, ai vuri albumin e pestë të tij në qarkullim, i cili titullohet " Stina e mallit/ Unë dëgjoj" dhe pati mirëpritje të shumtë nga dëgjuesit. Në programin e sotëm, do t'ju prezantoj këngëtarin Man Wenjun dhe këngët e tij.

dëgjoni

Duke folur për Man Wenjun, admiruesve të tij u shkon ndërmen në radhë të parë veprëa e tij "Të kuptoj". Kjo këngë që këndon dashurinë e madhe të nënës, kënduar nga Man Wenjun me ndjenja të thella ka shprehur dashurinë e kinëzëve për prindërit e tyre. Në vitin 1998, kjo këngë është përhapur shumë në mbarë Kinën dhe këngëtari Man Wenjun, që e këndoi këtë, u bë i njohur në Kinë dhe me këtë këngë ai ka fituar shumë çmime. Zëri i bukur i tij u ka lënë admiruesve një përshtypje të thellë, ndërsa figura e tij e shëndetshme dhe e thjeshtë gjithashtu është mirëpritur shumë nga dëgjuesit në mosha të ndryshme. Veçanërisht, eksperienca e tij e suksesshme dhe e jashtëzakonshme ka inkurajuar shumë këngëtarë amatorë dhe me ëndërra të bukura.

Man Wenjun ka qenë një punëtor në një fabrikë në periferi të Pekinit, puna e tij ishte të përpunonte silazhe. Çdo ditë ai kryente punë shumë të vështirë fizike. Në atë herë, shpresa e tij ishte të krijojë një grup të këngëve pas punës dhe ai mund të këndonte. Në vitin 1992, ai hoqi dorë nga puna në fabrikë dhe u bë një këngëtar në një klub të Pekinit. Më vonë, ai u takua me Xue Ruiguang, kompozitorin e këngës "Të kuptoj", ky i fundit e admiroi shumë zërin dhe ndjenjën e këndimit të Man Wenjunit, kështu lindi kjo këngë "Të kuptoj", me të cilën Man Wenjun u bë i njohur në gjithë Kinën në një natë.
Pas këngës "Të kuptoj", Man Wenjun hyri në kompaninë diskografike "Zheng Da", dhe në vitin 1999, ai vuri në qarkulllim albumin e dytë, i cili titullohet "Ditëlindja ime". Ashtu si kënga "Të kuptoj", edhe kënga e parë në këtë album "Ditëlindja ime" është përhapur shumë shpejt. Kjo këngë edhe tregon dashurinë e Man Wenjunit për prindërit e tij.

dëgjoni
Pas albumit "Ditëlindja ime", Man Wenjun hyri në kompaninë diskografike Sony. Në vitin 2002, ai ka vënë me radhë në qarkullim albumin "Dashuria e pakufishme" dhe albumin "Kam  nevojë për ty", por këto dy albume nuk kanë patur rezultate aq të mira si albume të mëparëshme. Megjithatë, niveli i përpunimit të këtyre albumene është shumë i lartë dhe disa këngë gjithashtu janë shumë të bukura.

dëgjoni
Kënga që po dëgjoni tani është kënga e parë në albumin "Dashuria e pakufishme", e cila është me të njëjtin titull me atë të albumit.

dëgjoni
Kënga që po dëgjoni tani është kënga e parë në albumin më të ri të tij, e cila titullohet "Mirupafshim !". Në melodinë e këndshme prekse, kjo këngë i këndon miqësisë dhe dashurisë midis miqve, prandaj duket shumë e dashur dhe e ngrohtë.
dëgjoni

Në fund të pragramit të sotëm, ju ftojmë të dëgjoni një këngë tjetër të Man Wenjunit me titull "Dyer". (Wei)