dëgjoni

Duke folur gjendjen e zhvillimit të industrisë së prodhimit të luleve të Kinës, kryetari i Akademisë së Shkencave të Pylltarisë të Kinës, Jiang Zehui tha se krahas zhvillimit të vazhdueshëm mbi 20-vjeçar, Kina është bërë baza më e madhe e prodhimit të luleve në botë dhe zë një pozitë të rëndësishme në tregtinë dhe në prodhimin e luleve.

Në raportin e mbajtur në ceremoninë e hapjes së mbledhjes së dytë kombëtare të ndërmarrjeve të prodhimit të luleve, Jiang Zehui tha se krahas thellimit të vazhdueshëm të ekonomisë globale, zhvillimi tekniko-shkencor është shumë i shpejtë, prodhimi i luleve është përcjellë më tej në vendet në zhvillim me kosto të ulët nga vendet e zhvilluara me kosto të lartë. Pozita e Kinës në tregtinë dhe në prodhimin e luleve të botës do të ngrihet në mënyrë të vazhdueshme. Sidomos në gjendjen e re të zhvillimit të vazhdueshëm ekonomik dhe shoqëror të Kinës dhe gjatë procesit të ndërtimit të plotë të shoqërisë komode, industria e prodhimit të luleve do të luajë një rol të pazëvendësueshëm dhe do të bëhet një industri e vërtetë për përsosjen e strukturës së industrisë bujqësore, për shtimin e të ardhurave të fshatarëve, për përmirësimin e mjedisit të jetës së popullit dhe për ngritjen e cilësisë së jetës së popullit.

Vitet e fundit, sipërfaqja e mbjelljë me lule është shtuar shpejt dhe struktura e produkteve të luleve është e paarsyeshme. Kjo ka shkaktuar uljen e cilësisë së produkteve dhe uljen e efektivitetit ekonomik. Prandaj, industria kineze e prodhimit të luleve nuk ka potencial të fortë konkurrues në tregun ndërkombëtar.

Jiang Zehui vuri në dukje se duhet të rregullohet ritmi i zhvillimit dhe të përsoset struktura e produkteve. Realizimi i rritjes ekonomike duhet të mbështetet tek shtimi i investimeve, tek përparimi tekniko-shkencor, tek ngritja e cilësisë së njohurive të punëtorëve dhe tek ngritja e efektivitetit ekonomik.

Nga viti 1984 deri në vitin 2003, sipërfaqja e mbjelljë me lule kineze u shtua 27 herë dhe vëllimi i prodhimit u rrit 58 herë dhe vëllimi i eksportit u shtua 48 herë. (Sihai)