Në koktejin e shtruar me rastin e pritjes së pjesëmarrësve të mbledhjes së tryezës sportive të Kinës të organizuar më 15 maj nga Forumi "Fortune", nënkryetari i bashkisë së qytetit Pekin Liu Zhihua tha se zhvillimi i lulëzuar i sportit olimpik ndërkombëtar ka ndërtuar një urë që lidh 5 kontinentet, Pekini do të japë me përpjekjet më të mëdha kontributin e vet për sportin olimpik.

Ish-kryetari i komitetit organizator të Lojërave Olimpike të Los Angjelosit dhe kryetari i komitetit olimpik të SHBA-së Peter Jubros tha: "Pekini do të jetë dhurata më e mirë për lojtarët olimpikë të vendeve të ndryshme."

Presidenti dhe kryeadministratori i Shoqërisë Octogan Dadeli tha se zhvillimi i Lojërave Olimpike në Pekin do të shpalosë veçoritë kulturore, popullin dhe shpirtin emocional sportiv të Kinës.

Personalitetet e qarqeve ekonomike sportive ndërkombëtare që morën pjesë në koktej u shprehën gjithashtu se Kina në zhvillim të shpejtë dhe Lojërat Olimpike që do të zhvillohen në Pekin do të krijojnë shumë raste tregtare lidhur me sportin.

Presidenti dhe kryeadministratori i Shoqërisë Time-Warner Riçard Pasens tha se sporti do të shtojë njohjen dhe bashkëpunimin me njeri-tjetrin. Ai është i mendimit se në sfondin e lulëzimit të Kinës, organizimi nga Forumi "Fortune" i mbledhjes së tryezës sportive do të jetë në favor të organizimit me sukses të Lojërave Olimpike të Pekinit dhe do t'i japë ndihmë pjesëmarrjes së botës në veprimtaritë ekonomike sportive të Kinës.

Presidenti ekzekutiv i NBA-së i degës së Kinës Mark Fisher është i mendimit se Kina është një vend i madh sportiv që po lulëzon, tërheqja e shumë personaliteteve të famshme të qarqeve të ekonomisë sportive ndërkombëtare në këtë mbledhje të tryezës së rrumbullakët e ka vërtetuar këtë. Ai tha: "Për shkak të luajtjes së mirë të Yao Minit në NBA dhe përhapjes së mëtejshme të sportit të basketbollit në Kinë, ne po i kushtojmë vëmendje më të madhe këtij vendi. Në të ardhmen, do të organizojmë më shumë ndeshje të NBA-së në Kinë."

Redaktori ekzekutiv i revistës me ilustrime sportive Maikdono është i mendimit se në Kinë ekzistojnë kulturat më interesante sportive të botës dhe shumë tifozë sportivë. Me shtimin e investimeve të shoqërive sportive ndërkombëtare në Kinë, do të zgjerohet më tej tregu i madh sportiv i Kinës. (Fani)