Qysh nga organizimi zyrtar i tyre në vitin 1896, Lojërat Olimpike kanë qenë dhe janë gjithmonë simbol i unitetit, i miqësisë, i paqes dhe i progresit të mbarë botës. Por për shkak të pjesëmarrësve të shumtë, të aktiviteteve të shumta përkatëse, të vëmendjes së madhe  botërore, si dhe të shumë faktorëve të tjerë të pacaktuar, Lojërat Olimpike janë bërë lehtësisht objektiv i sulmit të terroristëve. Qysh nga Lojërat e 20-ta Olimpike në vitin 1972, kur ndodhi incidenti terrorist i sulmit kundër delegacioneve pjesëmarrës, shmangia e incidenteve të tilla është bërë një nga problemet që tërheqin më shumë vëmendje dhe që duhet  zgjidhur me përpjekjet e vendeve dhe qyteteve organizatore.

Nënkryetari ekzekutiv i Komitetit Organizativ të Lojërave Olimpike të Pekinit për vitin 2008 zoti Li Binghua tha se qeveria kineze i kushton një rëndësi të madhe sigurimit të Lojërave Olimpike të Pekinit dhe të gjitha punët e sigurimit janë në përgatitje e sipër. Ai tha:

"Për të bërë si duhet përgatitjet e sigurimit, ne do të mësojmë dhe të marrin përvojën dhe do praktikën e Lojërave Olimpike të kaluara, duke u nisur nga kushtet konkrete të Kinës dhe karakteristikat e qytetit të Pekinit."

Sipas Kartës së Olimpikut dhe të kontratës së qytetit organizator, puna te sigurimit dhe e mbrojtjes së Lojërave Olimpike është përgjegjësi e qeverisë. Në fund të vitit 2004 Kina formoi grupin e koordinimit të punëve të sigurimit për Lojërat Olimpike të Pekinit. Kryetari i këtij grupi, lideri i qytetit të Pekinit zoti Qiang Vei tha:

"Me afrimin e Lojrave Olimpike të vitit 2008, detyra antiterroriste e qytetit të Pekinit bëhet gjithnjë e më e rëndë. Ne dëshirojmë të forcojmë bashkëpunimin me vendet dhe qytetet e mëdha, të përdorim metodat politike, ekonomike, diplomatike, ligjore etj. për të përballuar situatën gjithnjë e më serioze antiterroriste ndërkombëtare, që të nxitet drejtësia shoqërore dhe të realizohet me të vërtetë strategjia e zhvillimit global me përfitime të përbashkëta, me gëzime të përbashkëta dhe me ekzistencën e përbashkët."

Tani janë në formim e sipër Qendra e Komandimit të Sigurimit të Lojërave Olimpike të Pekinit dhe Qendra e Infomacioneve. Qiang Vei tha se në të ardhmen qyteti i Pekinit do të përqëndrohet në  tri aspekte. Së pari, të forcohen më tej shkëmbimet dhe bashkëpunimi antiterrorist ndërkombëtar; së dyti, të formohet sistemi i studimeve e i përgatitjes antiterroriste; së treti, të ngrihet niveli tekniko-shkencor i pajisjeve teknologjike antiterroriste,

Mësohet se për garantimin e sigurimit të Lojërave Olimpike të vitit 2008 në Pekin. Qyteti i Pekinit ka filluar të zbatojë gradualisht, në aktivitete të mëdha, masat e kontrollit të sigurimit sipas standarteve të Lojërave Olimpike. ( Daming )